އަންހެނުންގެ ދުވަސް ފާހަގަކުރުމަށްޓަކައި އިއްޔެ ހަވީރު ހުޅުމާލެ ފެރީ ޓަރމިނަލްގެ ބަސް ޕާކިން ސަރަހައްދުގައި ހާއްސަ ހަފްލާއަކާއި މާހެފުމެއް ވަނީ ބޭއްވިފަ އެވެ.
މި ހަފްލާގައި ވާހަކަފުޅު ދައްކަވަމުން ކުންފުނީގެ ޗީފް އެގްޒެކެޓިވް އޮފިސާ އަބްދުالله ޒިޔާދު ވަނީ ކުންފުނީގެ މުވައްޒަފުންނަށް އަދި ހާއްސަކޮށް އަންހެން މުވައްޒަފުންނަށް އުފާވެރި ހަބަރުތަކެއް ހާމަކޮށްދެއްވާފައެވެ. އެ ގޮތުން ކުންފުނީގެ މެނޭޖްމަންޓްއިން އަންހެން މުވައްޒަފުންނަށް ހާއްސަ އިނާޔަތްތަކެއް ދެއްވުމަށް ނިންމެވިކަން ވަނީ ޒިޔާދު އެންގެވި އެވެ.
ޒިޔާދު ވިދާޅުވީ 08 މާރިޗް 2024 އިން ފެށިގެން އެޗްއާރުން ކަނޑައަޅާ ހާއްސަ އުސޫލުތަކެއްގެ ތެރެއިނ،ް މާބަނޑު އަންހެން މުވައްޒަފުން އަދި 1 އަހަރު ނުފުރޭ ދަރިންގެ މައިންނަށް ' ފްލެކްސިބަލް ވާރކް އެރޭންޖްމަންޓް' ހަމަޖެހިގެންދާނެ ކަމަށެވެ.
ހަމައެހެންމެ މާބަނޑު އަންހެން މުވައްޒަފުން އަދި 2 އަހަރު ނުފުރޭ ދަރިންގެ މައިންނަށް 3 ގަޑިއިރުގެ ބްރޭކެއް ހަމަޖެހިގެން ދާނެކަނެ ކަމަށާއި މިފަދަ އިނާޔަތްތައް ހަމަޖެއްސުމުގެ ބޭނުމަކ،ީ އެމްޓީސީސީއަކީ މާބަނޑު އަންހެން މުވައްޒަފުންނާއި ކުޑަކުދިން ބަލަހައްޓާ އަންހެން މުވައްޒަފުންނަށް ވަޒީފާ އަދާކުރަން ފަސޭހަ މާހައުލަކަށް ހަދައިދިނުންކަމުގައި ޒިޔާދު ފާހަގަކުރެއްވި އެވެ.
އެމްޓީސީސީއިން އަންހެނުންގެ ދުވަސް ފާހަގަކުރުން - ފޮޓޯ: އެމްޓީސީސީ
އަދ،ި ކޮންމެ އަހަރެއްގެ މާރިޗް މަހުގެ 8 ވަނަ ދުވަހު އަންހެނުންގެ ދުވަސް މި ކުންފުނިންވެސް ފާހަގަ ކުރާ އެންމެބޮޑު އެއް ސަބަބަކ،ީ އެކި އެކި މައިދާންތަކުގައ،ި ފިރިހެނުންނާއި ހަމަހަމަ ފުރުސަތުތަކެއް އަންހެނުންނަށްވެސް ހޯދައިދިނުންކަމުށާއި އަންހެން މުވައްޒަފުންނަށް ފުރުސަތުތަށް ފަހިކޮށްދީ ބާރުވެރިކުރުމުގައި އެމްޓީސީސީއަކީ ނަމޫނާ ދައްކަމުން އަންނަ ލާމަސީލު ކުންފުންޏެއްކަމަށާއ،ި 1980 ވަނަ އަހަރު ކުންފުނި އުފެދުނީއްސުރެ ކުންފުނީގެ ތަރައްގީގެ ދަތުރުގައި އަންހެން މުވައްޒަފުންގެ ހިއްސާ ބޮޑުކަމުގައި އޭނާ ފާހަގަކުރެއްވި އެވެ.
އެގޮތުން މިހާރުވެސް ކުންފުނީގައި އަންހެން މުވައްޒަފުން ޕްރޮޖެކްޓް މެނޭޖަރުންނާއ،ި ސައިޓް ސުޕަވައިޒަރުންނާއ،ި ސާވޭއިން އޮފިސަރުންގެ ގޮތުގައި ދަނީ މަސައްކަތްކުރަމުން ކަމަށާއި މީގެ އިތުރުނ،ް ބަސް އެޓެންޑެންޓުންނާއ،ި ބަސް ޑްރައިވަރުންނާއި އަދި ސެކިއުރިޓީ އޮފިސަރުންގެ ގޮތުގައިވެސް މިއަދު އަންހެން މުވައްޒަފުން ދަނީ މަސައްކަތްކުރަމުން ކަމަށް އޭނާ ވިދާޅުވި އެވެ.
