ބާ ކައުންސިލްގެ ރައީސް ކަމަށް ސިރާޖު އިންތިހާބު ކުރީ،ބާ ކައުންސިލްގެ ރައީސްކަމުގައި ހުންނެވި އިސްމާއިލް ވިޝާމް ޖެނުއަރީ 31ގައި ކުއްލި ގޮތަކަށް ނިޔާވުމާ ގުޅިގެން އެ މަގާމު ވަނީ ހުސްވެފައި އޮތުމަށް ފަހުއެވެ.
ބާ ކައުންސިލްގެ ރައީސްކަމުގެ މަގާމު ސިރާޖު ކާމިޔާބު ކުރެއްވީ، އެ މަގާމަށް ސިރާޖާއެކު ވާދަކުރެއްވި ގާނޫނީ ވަކީލް މުހައްމަދު ފައިސަލްއާ ވާދަކުރައްވައި ގިނަ ވޯޓު ހޯއްދަވައިގެންނެވެ. ހުސައިން ސިރާޖް މި އިންތިހާބުގައި 224 ވޯޓު ހޯއްދެވިއިރު، މުހައްމަދު ފައިސަލްއަށް ލިބިވަޑައިގަތީ 172 ވޯޓެވެ.
ލަންޑަންގެ މިޑްލްސެކްސް ޔުނިވާސިޓީން ގާނޫނީ ދާއިރާއިން މަތީ ތައުލީމް ހާސިލްކުރައްވާފައިވާ ސިރާޖު ވަނީ މީގެ ކުރިން ޓްރާންސްޕޭރެންސީ މޯލްޑިވްސް (ޓީއެމް)ގެ ޗެއާޕާސަންކަން ކަމާއި މީރާގެ ބޯޑު މެމްބަރުކަން ކުރައްވާފަ އެވެ. ސިރާޖަކީ ރާއްޖޭގެ އިންޓަނޭޝަނަލް އާބިޓްރޭޝަން ސެންޓަރުގެ ނައިބު ރައީސް ވެސްމެ އެވެ.
