ވިތުރީގައި ކޮންމެ ރެއަކު ގުނޫތު ނުކިޔާން ނިންމިކަން ރޭ އިޝާ ނަމާދަށްފަހު ހަރަމްފުޅުގައިވަނީ އިއުލާންކޮށްފައެވެ. އެކަން އިއުލާންކުރީ ދެ ޙަރަމް ބެލެހެއްޓެވުމުގެ ޒިންމާތަކާއި ހަވާލުވެ ހުންނެވި (ޕްރެސިޑެންޓް އޮފް ޖެނަރަލް ޕްރެސިޑެންސީ ފޯ ދަ އެފެއަރޒް އޮފް ދަ ޓޫ ހޮލީ މޮސްކް ) ޝައިޚް ޢަބްދުއްރަޙްމާން އަލްސުދައިސްއެވެ.
ވިތުރީގައި ގުނޫތު ނުކިޔަން ނިންމާފައިވަނީ އެކަމަކީ ކޮންމެ ރެއަކު ކުރަން މަޖްބޫރުކަމެއް ނޫންކަން ސުންނަތުން ސާބިތުވާތީކަމަށް ސުދައިސް ވިދާޅުވިއެވެ. ތަރާވީހު ނަމާދުގައި ހާއްސަކޮށް ވިތުރުއަށްފަހު ގުނޫތު ކިޔަން މުސްލިމުންނަށް އާދެވެފައިވާއިރު އެ ދުއާއަކީ ވާޖިބު ދުއާއެއް ނޫންކަނަށް ގިނަ ބަޔަކަށް ނޭގޭކަން ވަނީ ބުނެފައެވެ.
ބައެއް އިލްމުވެރިންވެސް ބުނެފައިވަނީ ކޮންމެ ރެއަކު ވިތުރުއަށްފަހު ގުނޫތު ކިޔާކަން ސުންނަތުން ސާބިތުވެފައި ނުވާކަމަށެވެ.
