ފައްޔާޒު މިހެން ވިދާޅުވެފައި މިވަނީ އެމްޑީޕީގެ ރައީސް އަބްދުﷲ ޝާހިދު އިއްޔެ ސަރުކާރަށް ފާޑު ވިދާޅުވުމުން ސަރުކާރުގެ އިސްމަގާމުތަކުގައި ތިބި ގިނަ ބަޔަކު ޝާހިދަށް ރައްދުދީފައި ވަނިކޮށެވެ.
މަޖިލިސް އިންތިހާބުގެ ކެމްޕެއިންގައި މ. ރަތްމަންދޫގައި ހުންނަވާ ޝާހިދު ވިދާޅުވީ ކުޑަ ރަށެއް ބޮޑު ރަށެއް ތަފާތުކުރުމެއް ނެތި މި ސަރުކާރުން ރަށްރަށުގެ ތަރައްޤީގެ މަޝްރޫޢުތައް ހުއްޓާލާފއިވާކަމަށެވެ. އެގޮތުން ރަތްމަންދޫގެ ފެނާއި ނަރުދަމާގެ މަސައްކަތާއި އިންޖީނުގެގޭ މަސައްކަތް ނިމެން ގާތްވެފައި ވަނިކޮށް މި ސަރުކާރުން ހުއްޓާލާފައިވާކަމަށް ޝާހިދު ވިދާޅުވިއެވެ. އަދި ރައްޔިތުންގެ އިހްސާސްތަކަށް މި ސަރުކާރުން ފުރަގަސްދެމުން ގެންދާކަމަށްވެސް ޝާހިދު ވަނީ ވިދާޅުވެފައެވެ
ސަރުކާރުގެ ރައްދުތަކަށް އިޝާރާތްކުރައްވާ ފަައްޔާޒު ވިދާޅުވީ ކޮންމެ ރަށަކުން ފެންނަނީ ހުރިހާ ޕްރޮޖެކްޓެއް ހުއްޓިފައި ހުރިތަންކަމަށެވެ.
މިސަރުކާރުން މިއަހަރުގެ ފުރަތަމަ 3 މަސްދުވަހު ތަރައްގީއަށް ހޭދަކޮށްފައިވަނީ 300 މިލިއަންކަމަށާއި އެމްޑީޕީން މިދިޔަ އަހަރުގެ ފުރަތަމަ 3 މަސްދުވަހު ތަރައްގީއަށް 1.7 ބިލިއަން ހޭދަކޮށްފައިވާކަން ޝާހިދު ފާހަގަކުރެއްވި އެވެ.
އިބްރާހިމް މުހައްމަދު ސާލިހްގެ ވެރިކަމުގައި މި ސަރުކާރަށް ވުރެ ގިނައިން ތަރައްގީ އަށް ހޭދަކޮށްފައިވާކަމަށް ރައީސް ޔާމީންވެސް ވަނީ ވިދާޅުވެފަ އެވެ