Advertisement

މާލޭ ސިޓީ ކައުންސިލުން ކުރި އިއުލާނެއްގައި ބުނީ މިހާރު ދުނިޔޭގައި ހަލުވިކަމާއެކު ފެތުރެމުންދާ ކޮވިޑު-19 އާއި ގުޅިގެން އެޗްޕީއޭ އިން ނެރުއްވާފައިވާ ސިއްހީ ކުއްލި ނުރައްކަލުގެ ހާލަތާ ގުޅިގެން، މާލެގައި ހިމެނޭ އެކައުންސިލްގެ ބެލުމުގެ ދަށުގައިވާ މާރުކޭޓްތަކުން ހިދުމަތް ދޭ ގަޑިތަކަށް މާދަމާ އިން ފެށިގެން ބަދަލު ގެނެސްފައިވާ ކަމަށެވެ.

ގެނެވުނު ބަދަލުތަކާއެކު ދެން މާރްކޭޓްތައް ހުޅުވާފައި ހުންނާނީ:

• މާލޭ ލޯކަލް މާރުކޭޓް. ހެނދުނު 6:00 ން ހަވީރު 16:00 އަށް.
• މާލޭ ދަތުރުވެރިންގެ މާރުކޭޓް. ހެނދުނު 6:00 ން ހަވީރު 16:00 އަށް.
• މާލޭ މަސްމާރުކޭޓް . ހެނދުނު 6:00 ން ހަވީރު 16:00 އަށް،
• ވިލިމާލެ ލޯކަލްމާރުކޭޓް. ހެނދުނު 6:00 ން ހަވީރު 16:00 އަށް.

މާލެ ސިޓީ ކައުންސިލުން ވަނީ މާރުކޭޓު ގޮޅިތައް ހިންގާ ފަރާތްތަކުންނާއި އަދި މާރުކޭޓުން ވިޔަފާރި ކުރާ މީހުން، އަންގާފައިވާ ގަޑިތަކާ އެއްގޮތަށް އަމަލު ކުރުމަށް އެދިފައެވެ.