އާރުޑީސީގެ 14 މިލިއަން ރުފިޔާގެ ކޮރަޕްޝަންގެ މައްސަލާފައި ފައްޔާޒު ވަނީ މިއަދު ފުލުހުންގެ މަރުކަޒަށް ހާޒިރުކޮށްފައެވެ. ފައްޔާޒު އެތަނުން ނުކުމެވަޑައިގަތީ އެތަނުގައި ގާތްގަޑަކަށް 35 މިނެޓް ހޭދަކުރައްވާފައެވެ.
ފައްޔާޒު ވިދާޅުވީ އޭނާ ފުލުސް އޮފީހަށް މިއަދު ހާޒިރުކުރީ ޖިނާއީ ކުށެއްގެ ތުހުމަތުގައި ނޫންކަމަށާއި މައުލޫމާތު ސާފުކުރަންކަމަށް ފުލުހުން ބުނިކަމަށެވެ. މި ތަހުގީގު ހިންގުމުގައި ސަރުކާރުގެ ބޭނުމަކީ އޭނާއަށް އަނިޔާވެރިވާ މަންޒަރު ދައްކައިގެން އެކަމުން ދިވެހި ރައްޔިތުންގެ ހިތްތަކުގައި ބިރުވެރިކަން އުފެއްދުންކަމަށްވެސް ފައްޔާޒު ވިދާޅުވިއެވެ.
ފުލުހުންގެ މަރުކަޒުން ނުކުންނަވާ ނޫސްވެރިންނާއި ވާހަކަދައްކަވަމުން ފައްޔާޒު ވިދާޅުވީ އާރުޑީސީގެ ހިޔާނާތާއި ގުޅުވަން މަސައްކަތް ކުރަނީ ރައީސް ޑރ. މުހައްމަދު މުއިއްޒުގެ އެދިވަޑައިގަތުމަށް ހޯމް މިނިސްޓަރ އަލީ އިހްސާން ކަމަށެވެ. ފައްޔާޒު ވިދާޅުވީ މީ ސިޔާސީ ބޭނުންމަށް ކުރާކަމެއްކަމަށެވެ.
ފައްޔާޒު ވިދާޅުވީ އޭނާއާ ސުވާލުކުރީ 2022 ވަނަ އަހަރު އޭނާއާ ގުޅުން އޮންނަ ކުންފުންޏަކުން ނަގާފައިވާ ލޯނަކާއި ގުޅިގެންކަމަށެވެ. އަދި އެއީ ރައީސް އޮފީހުގެ ވެބްސައިޓްގައި އޭނާ އާއްމުކުރެއްވި މާލީ ބަޔާނުގައި ހާމަކޮށްފައިވާ ވިޔަފާރީގެ މުއާމަލާތެއްކަމަށްވެސް ފައްޔާޒު ވިދާޅުވިއެވެ.
ރޯޑް ޑިވެލޮޕްމަންޓް ކޯޕަރޭޝަން (އާރުޑީސީގެ) 14 މިލިއަން ވުރެ ގިނަ ރުފިޔާގެ ހިޔާނާތުގެ މައްސަލައެއް ފުލުހުން އަންނަނީ ތަހުގީގުކުރަމުންނެވެ. އަދި މި މައްސަލާގައި 3 މީހަކާ ސުވާލުކޮށް ތަހުގީގުކޮށް ނިމުމާކައި ހަމައަށް އައިސްފައިވާކަމަށް މީގެ ހަފްތާއެއްހާ ދުވަސްކުރިން ފުލުހުން ވަނީ ބުނެފަ އެވެ.
