ޕީއެންއެފް އުފައްދުމަށް ބާއްވާ ޖަލްސާ އޮންނާނީ މިރޭ 09:15 ގައި ގިޔާސުއްދީން ސްކޫލް ހޯލުގައެވެ. މި ޖަލްސާގައި ރައީސްް ޔާމީން ބައިވެރިވާނެކަމަށް އެ ޕާޓީން ބުނެއެވެ.
ޕާޓީ އުފެއްދުމުގައި އިސްކޮށް އުޅުއްވާ މަލީހް ވިދާޅުވީ އިލެކްޝަންސް ކޮމިޝަންގެ ހުއްދައާ އެކު މިރޭ ބާއްވަން ތައްޔާރުވަމުންދާ ޖަލްސާއަށް ސަރުކާރުން ހުރަސް އަޅަމުން އަންނަކަމަށެވެ.
ޕީއެންއެފް އުފައްދަން ބާއްވާ ޖަލްސާ ފުރަތަމަ ބާއްވަން ނިންމީ ރެއެވެ. އެ ޖަލްސާ ކެންސަލްކުރިކަން އިއުލާންކުރަމުން އޭރުވެސް މަލީހް ވިދާޅުވީ ޖަލްސާ ކެންސަލްކުރީ ސަރުކާރުގެ އިދާރާތަކުން ލިބެންޖެހޭ އެއްބާރުލުން ނުލިބިގެންކަމަށެވެ.
މި ޖަލްސާގައި ބައިވެރިވުމުގެ ހުއްދައަށް ރައީސް ޔާމިން އެދިވަޑައިގަތެވެ. ކަރެކްޝަނުން އެކަމަށް ހުއްދަ ދީފައިނުވާކަމަށް މައުލޫމާތު ލިބެއެވެ. އެހެންނަމަވެސް ޕީއެންއެފުން ބުނީ ޖަލްސާގައި ރައީސް ޔާމީން ބައިވެރިވަޑައި ގަންނަވާނެކަމަށެވެ.
