ރައްޔިތުން މަޖލީހުގެ އިންތިހާބަށް ތިމަރަފުށީ ދާއިރާގެ ޕިއެންސީ ޓިކެޓް ދީފައިވަނީ ރައީސް މުއިއްޒުގެ ކުރީގެ ޕާސަނަލް އެސިސްޓަންޓު އިބްރާހިމް ސަނާހު (ސަންޓޯ) އަށެވެ. އޭނާއަކީ އެ ދާއިރާގެ ޕީއެންސީ ރައީސްވެސް މެއެވެ. ޕީއެންސީގެ ޓިކެޓް ލިބުނުކަމުގެ ރަސްމީ ލިޔުންވެސް ސަނާހުއާ ވަނީ ހަވާލުކޮށްފަ އެވެ.
އެހެންނަމަވެސް ރައީސް މުއިއްޒުވަނީ އިބްރާހިމް ސަނާހު (ސަންޓޯ)އަށް ތާއިދުނުކުރާކަން ހާމަކޮށް އެ ދާއިރާއަށް އަމިއްލަ ގޮތުން ނުކުންނަ އަހްމަދު ރިޔާޒަށް ތާއީދުކުރަން ނިންމާ އެކަން އިއުލާންވެސް ކޮށްފައެވެ. އަހްމަދު ރިޔާޒަކީ އެ ދާއިރާގެ މިހާރުގެ މެމްބަރު ކުރީގެ ސީޕީ އަބްދުﷲ ރިޔާޒުގެ ބޭބެ އެވެ.
ރިޔާޒަށް ޑިމޮކްރެޓްސް ކެންޑިޑޭޓް ޒިލްމާ ތާއީދުކުރިކަން ހާމަކޮށް ރިޔާޒު އޭނާގެ އެކްސްގައި ކުރި ޕޯސްޓެއްގައި ބުނެފައިވަނީ ޒިލްމާ އާއި ޒިލްމާގެ ޓީމް އޭނާ އެންޑޯސްކޮށްފައިވާކަމަށެވެ.
އަންނަ ރައްޔިތުން މަޖިލީހުގެ އިންތިހާބުގައި ތިމަރަފުށި ދާއިރާއަށް އިދިކޮޅު އެމްޑީޕީން ވާދަކުރަނީ ކުރީގެ ކޮމިޝަނާ ޖެނެރަލް އޮފް ޓެކްސޭޝަން, ފަތުހުﷲ ޖަމީލު އެވެ.
