ޕާޓީ އުފެއްދެވުމުގައި އިސްކޮށް އުޅުއްވި އަދި ޕާޓީގެ ވަގުތީ ސެކެރެޓަރީ ޖެނެރަލް މަލީހް ޖަމާލް ވަނީ ޕީއެންއެފްގެ ރަޖިސްޓްރީ އޭނާގެ އެކްސްގައި އާއްމުކުރައްވާފައެވެ.
ޕާޓީ ރަޖިސްޓްރީކޮށްދިންކަން ހާމަކުރަމުން މަލީހް ޖަމާލް އެކްސްގައި ވަނނީ އެޕާޓީ އުފެއްދުމަށް ދިމާވި ކަންކަމުގައި ވާހަކަ ހިއްސާކުރައްވާ އެއީ މަޒީކަަމަށް ވިދާޅުވެފައެވެ.
ރައީސް ޔާމީން އުފެއްދެވި ޕީއެންއެފްގެ ރަޖިސްޓްރީ
ޕީޕަލްސް ނެޝަނަލް ފްރަންޓު (ޕީއެންއެފް) އުފެއްދުމަށް ގިޔާސުއްދީންގައި ބާއްވަން އޮތް ޖަލްސާއަށް ފުލުހުން ހުރަސް އެޅުމުން ޖަލްސާއަށް ފުލުހުން ހުރަސް އެޅުމުން އެންމެ ފަހުން އެ ޖަލްސާ ބާއްވާފައިވަނީ ރާޅުގަނޑު ސަރަހައްދުގައެވެ.
ޖަލްސާ ބޭއްވީ 329 މެމްބަރުންނާއެކުއެވެ. ޖަލްސާގައި ވަނީ ޕާޓީގެ ވަގުތީ ރައީސްއާ ޕާޓީ ލޯގޯވެސް ފާސްކޮށްފައެވެ. ޕާޓީގެ ވަގުތީ ރައީސްއަކަށް އައްޔަންކުރީ ޕާޓީ އުފެއްދުމުގެ އިސްކޮށް ހުންނެވި ރައީސް ޔާމީން ދަރިކަލުން ޒޭން އަބްދުﷲ ޔާމީންނެވެ. އޭނާ އެމަގާމަށް އައްޔަންކުރީ ޖަލްސާގައި ބައިވެރިވި 329 މެމްބަރުންގެ އިއްތިފާގުންނެވެ.
މީގެ އިތުރުން މިރޭގެ ޖަލްސާގައި ޕާޓީގެ ވަގުތީ ސެނެޓްވެސް ވަނީ އުފައްދައިފައެވެ. ސެނެޓްގައި ރައީސް ޔާމީންވެސް ހިމެނިވަޑައިގަންނަވައެވެ. އަދި ޕާޓީގެ ދާއިމީ މަގާމުތަކަށް ވަގުތީ ގޮތުން މީހުން ހަމަޖައްސާ މަސްއޫލިއްޔަތުތައްވެސް ވަނީ ހަވާލުކޮށްފައެވެ.
