އެމަނިކުފާނު މިހެން ވިދާޅުވީ ސިފައިންގެ 70ވަނަ އަސާސީ ތަމްރީނު ކޯހުގެ ބައިވެރިންގެ ދަސްވެނިވުމަށް މިއަދި ގިރިފުށީގައި ބޭއްވި ރަސްމިއްޔާތުގައި ވާހަކަދައްކަވަމުންނެވެ.
ގައްސާން ވިދާޅުވީ ސިފައިންގެ ބޭކަލުން ހިދުމަތުން ރިޓަޔާކުރުމުން ސިފައިންނަށް ްއަބުރުވެރި ދިރިއުޅުމެއް އުޅެވޭނެ މަގު ކަށްވަރުކޮށްދިނުމަކީ ސަރުކާރުގެ އަމާޒެއްކަމަށެވެ. އެގޮތުން ސިފައިންގެ ރިޓަޔާ ކުރާ ފަރާތްތަކަށް އަމޮއްލަ ބޯހިޔާވަހިކަމެއް ކަށަވަރު ވާނެ ނިޒާމެއް ގާއިމުކޮށްދިނުމުގެ މަސައްކަތް ކުރައްވަމުން އަންނަކަމަށް އެމަނިކުފާނު ވިދާޅުވިއެވެ.
ސިފައިންގެ ހިދުމަތާއި އަލަށް ގުޅުނު ކުދިންނާއި މިހާތަބުކުރައްވާ ގައްސާން ވިދާޅުވީ ސިފައިންގެ ހިދުމަތް ތަރައްޤީކޮށް ކުރިއެރުވުމަކީ ރައީސް ޑރ. މުއިއްޒު ވަރަށް އިސްކަންދެއްވާކަމެއްކަމަށެވެ. އެގޮތުން އެއްގަމާއިި ކަނޑުގައި ބޭނުންކުރާ ވަސީލަތްތަކާއި ހަތިޔާރުތައް ހޯދާދިނުން އެމަނިކުފާނު ފާހަގަކުރެއްވިއެވެ.
ސިފައިންގެ ހިދުމަތާއި ގުޅޭ ކުދިންނަށްް އިތުރުކުރުމަށް ސްކޫލް ނިންމާ އަލަށް ސިފައިންގެ އަށް ވަންނަ ކުދިންނަށް އެކި ދައިރާތަކުން ކިޔަވާދިނުމަކީވެސް ރައީސް މުއިއްޒުގެ ވިސްނުން ފުޅެއްކަމަށް ފިފާއީ ވަޒީރު ގައްސާން ވިދާޅުވިއެވެ.
މުޅި ކޯހުން އެއްވަނަ ހޯދީ ޕްރައިވެޓް ހަމްނާ ރަޝީދަށް ދިފާއި ވަޒީރު ގައްސާން މައުމޫން ތަށި ހަވާލުކޮށްދެއްވަނީ
ސިފައިންގެ 70ވަނަ އަސާސީ ތަމްރީނު ކޯހުގެ ބައިވެރިންގެ ތެރެއިން މުޅި ކޯހުން އެއްވަނަ ހޯދީ ޕްރައިވެޓް ހަމްނާ ރަޝީދެވެ.
