ކަނޑުފަޅުގެ ނަފާ ލޯނަށް އެދި ހުށައެޅުމުގެ ފުރުސަތު ހުޅުވާލީ ފެބްރުއަރީ 16 ވަނަ ދުވަހުއެވެ. މި ލޯނަށް އެދުމުގެ ފުރުސަތު މިއަދު ހަމަވާއިރު މި ލޯނަށް ހުށައެޅޭނީ އެސްޑީއެފްސީގެ ކަނޑުފަޅުގެ ނަފާ ލޯނަށް އެދޭ ޕޯޓަލް މެދުވެރިކޮށެވެ.
ލޯނަށް ހުށައެޅުމަށް ވަނީ ހަތަރު ބައެއް ކަނޑައަޅާފައެވެ. އެއީ ފަރުމަހުގެ މަސްވެރިކަން ކުރާ އުޅަނދު އަލަށް ބަނުމަށާއި ފަރުމަހުގެ މަސްވެރިކަން ކުރާ އުޅަނދު މަރާމާތުކުރުމާއި އަދި ފަރުމަހުގެ މަސްވެރިކަން ކުރާ އުޅަނދުގައި އިންޖީނު އެޅުމާއި ފަރުމަހުގެ މަސްވެރިކަމަށް ބޭނުންވާ ވަސީލަތްތައް ގަތުމަށެވެ. މި ލޯނު 7 ލައްކަ ރުފިޔާއާއި ހަމައަށް ލޯނު ނެގޭނެ ގޮތުގެ އިންތިޒާމު ވަނީ ހަމަޖައްސާފައެވެ.
މި ލޯނު 10 އަހަރަށް ބަހާލައިގެން ދެެއްކޭއިރު ލޯނުގެ ގްރޭސް ޕީރިއަޑަކީ 06 މަސް ދުވަހެވެ. ލޯނުގެ އިންޓްރެސްޓް ރޭޓަކީ އަހަރަކު 50 ޕަސެންޓެވެ.
ސަރުކާރުން އަންނަނީ މަސްވެރިކަން ކުރިއެރުމުގެ ގޮތުން އެކި އެކި މަޝްރޫއުތަށް ކުރިއަށް ގެންދިއުމަށް މަސައްކަތްކުރަމުންނެވެ. އޭގެ ތެރޭގައި އައިސް ޕްލާންޓްތައް ގާއިމުކުރުންވެސް ހިމެނެއެވެ.
