ފައްޔާޒު މިހެން ވިދާޅުވީ ރިޔާސީ އިންތިހާބާއި ރައްޔިތުން މަޖިލިސް އިންތިހާބުގައި އެމްޑީޕީއަށް ލިބުނު ނާކާމިޔާބީ އަށް ފަހު ފުރަތަމަ ފަހަރަށް ބޭއްވި ގައުމީ މަޖިލިސް ޖަލްސާ ނިންމާލުމަށް ފަހު ނޫސްވެރިންނާ ވާހަކަދައްކަވަމުންނެވެ.
ރައްޔިތުން މަޖިލިސް އިންތިހާބުގައި މައި އިދިކޮޅު ގައި މިހާރު އޮތް އެމްޑީޕީއަށް ލިބުނު ބޮޑު ނާކާމިޔާބީއަށް ފަހު ގިނަ ބަޔަކު އަންނަނީ ޕާޓީގެ ލީޑާޝިޕް އިސްތިއުފާދިނުމަށް ގޮވާލަމުންނެވެ. އަދި ހާއްސަކޮށް ފައްޔާޒުގެ އިސްތިއުފާއަށް ވަނީ ގޮވާލާފައެވެ.
ނޫސްވެރިން ކުރި ސުވާލުތަކަށް ޖަވާބު ދެއްވަމުން ފައްޔާޒު ވިދާޅުވީ އިންތިހާބު ނާކާމިޔާބުވީ ސަބަބު ދެނެގަތުމުގެ މަސައްކަތް ފަށާފައިވާކަމަށާއި އެކަން ދިރާސާ ކުރަމުން އަންނަކަމަށެވެ. އަދި އޭނާގެ އިސްތިއުފާއަށް ގޮވާ އެކަމަށް ބޮޑަށް ވަކާލާތު ކުރަމުން އަންނަނީ އެމްޑީޕީއާ އިދިކޮޅު ފަރާތްތަކުން ކަމަށް ވެސް ފައްޔާޒު ވިދާޅުވިއެވެ.
ފައްޔާޒުގެ އިސްތިއުފާއަށް ގޮވާމުންދާތީ އެކަމާ ގުޅިގެން އެމްޑީޕީގެ ރައީސް އަބްދުﷲ ޝާހިދު ރޭ ފައްޔާޒަށްް އިޝާރާތް ކުރައްވާ އެދިވަޑައިގެންނެވީ ފައްޔާޒު އިސްތިއުފާ ނުދެއްވުމަށެވެ. އެމްޑީޕީ އަދި ވެރިކަމަށް ގެންނާނެކަމަށް ވެސް ޝާހިދު ވިދާޅުވި އެވެ.
ޕާޓީގެ އިސް ސަފުން އާއްމުކޮށް ފެންނަ އަދި އެމްޑީޕީގެ އެޑްވައިޒަރު، ކުރީގެ ރައީސް އިބްރާހިމް މުހައްމަދު ސާލިހު ރޭ| ބ|ޭއްވި ގައުމީ މަޖިލީހުގެ ޖަލްސާއަކުން ނުފެނެއެވެ.
ރިޔާސީ އިންތިހާބުގައި އެމްޑީޕީއަށް ދެ ވަނަ ރިޔާސީ ދައުރެއް ކާމިޔާބު ނުވެ ދެން ކުރިމަތިލީ މަޖިލިސް އިންތިހާބުގައިވެސް އެޕާޓީ ވަނީ ބޮޑު ބައްޔަކުން ބަލިވެފައެވެ. މަޖިލިސް އިންތިހާބުގައި 90 ދާއިރާއަކަށް ވާދަކޮށް އެމްޑީޕީން އަށް ލިބުނީ އެންމެ 12 ގޮނޑިއެވެ.
