އައްޑޫ ސިޓީ ހުޅޫދޫއާ މީދޫ ބިން ހިއްކުމުގެ މަސައްކަތް ތެރެއިން
އައްޑޫގައި ޑެންގޫ އިތުރުވާތީ ސަމާލުވާން އިލްތިމާސްކޮށްފި
އަލީ މިދުހަތު
08 މޭ 2024 - 22:03:21
އައްޑޫސިޓީގައި ވެސް ޑެންގީ ހުން އިތުރުވާތީ އައްޑޫ އިކުއެޓޯރިއަލް ހޮސްޕިޓަލް (އޭއީއެޗް) އިން ސަމާލުވުމަށް އިލްތިމާސްކޮށްފި އެވެ.
Advertisement
އޭއީއެޗްއިން ނެރުނު ބަޔާނެއްގައި ވަނީ، އައްޑޫގައި ޑެންގީ ހުން އިތުރުވާތީ މަދިރި ނައްތާލާ މަދިރިން ސަލާމަތް ވުމަށް ފަރުދީ ގޮތުން ކުރެވިދާނެ ކަންކަން ކުރުމަށް އިލްތިމާސް ކޮށްފަ އެވެ.
ތިން ދުވަހަށް ވުރެ ގިނަ ދުވަހު ހުން އަންނަ ނަމަ ސިއްހީ އެހީތެރިއެއްގެ ލަފާ ހޯދުމަށް އޭއީއެޗްއިން ވަނީ އިލްތިމާސް ކޮށްފަ އެވެ. އަދި ގިނަގިނައިން ދިޔާ ތަކެތި ބޭނުން ކުރުމަށާއި އަރާމު ކުރުމަށް ވެސް ވަނީ ލަފާ ދީފަ އެވެ.
ޑެންގީ ހުމުގެ އަލާމާތްތަކުގެ ތެރޭގައި ހުން އައުން، ގައިގައި ރިއްސުން، ބޮލުގައި ރިއްސުން، ލޮލުގައި ރިއްސުން އަދި ހަންގަނޑުގައި ކުދި ރަތްބިހިތަކެއް ނެގުން ހިމެނެ އެވެ.
އޭއީއެޗުން ބުނީ މިފަދަ އެއްވެސް އަލާމާތެއް ފެނިއްޖެ ވީހާ ވެސް އަވަހަކަށް ޑޮކްޓަރެއް ނުވަތަ ސިއްހީ އެހީތެރިއެއްގެ ލަފަ އާއި އިރުޝާދު ހޯދުން މުހިއްމު ކަމަށެވެ.
މި ދުވަސްވަރަކީ ވިއްސާރަ ދުވަސްވަރަކަށް ވުމުން، މަދިރީގެ ސަބަބުން ފެތުރޭ ބަލިތައް ވަނީ އިތުރުވެފައެވެ. އެގޮތުން މާލޭ ސަރަހައްދުގައި ވެސް ޑެންގީ އަދި ޗިކުންގުންޔާ ވަނީ ވަރަށް ބޮޑަށް އިތުރުވެފައެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
