ބޮލީވުޑްގެ ހުނަރުވެރ ތަރި ދީނޯ ބުނީ، ޖޯން އޭނާގެ ކުރީގެ ލޯބިވެރިއާ ބިޕާޝާ ބަސޫ ވަގަށް ނަގާފައިވާތީ މިކަން ދެ ތަރިންގެ ދެމެދުގައި ވާދަވެރިކަން އުފެދުމަށް މަގުފަހިކޮށްދިން ކަމަށް ބުނާ ވާހަކައެއް އެބައޮތް ކަމަށެވެ.
ދީނޯ ވަނީ ސޯޝަލް މީޑިއާގައި ދެކެވެމުންދާ މި ވާހަކަތަކަށް ރައްދުދީ، މިއީ ދޮގު ވާހަކަތަކެއް ކަމަށް ސާފުކޮށްދީފައެވެ. ސިއްދާރތު އާއި ކަނަންގެ ޕޮޑްކާސްޓްގައި ދީނޯ ބުނީ، ބިޕާޝާ އާއި ޖޯން ގުޅުން ބާއްވަން ފެށިއިރު، އޭނާ ބިޕާޝާ އާ އެކު ގުޅުމެއް ނޯންނާނެކަމަށެވެ.
ޖޯން އަބްރަހަމް އާއި ދީނޯ އާއި ދެ ތަރިންގެ ދެމެދުގައި އޮތް ކަމަށް ބުނާ ވާދަވެރިކަމާ ބެހޭގޮތުން ސުވާލު ކުރުމުން، ދީނޯ ބުނީ، ދެ ތަރިންގެ ދެމެދުގައި އެފަދަ ވާދަވެރިކަމެއް ނެތް ކަމަށާއި، އެކަކު އަނެކަކާ ވާހަކަ ދައްކައި، އެކުގައި މަޖާކުރާ ކަމަށެވެ.
ދީނޯ އިތުރަށް ބުނީ، ދެ ތަރިން ވެސް މިހާރު ވަނީ އެމީހުންގެ ދިރިއުޅުމުގައި އާ ސަފުހާތަކެއް ފަށާފައިކަމަށެވެ.
އެނެމް ފުރަތަމަ 1996 އިން 2002 އަށް ދީނޯ އާއި ބިޕާޝާ ގުޅުން އޮތް ކަމަށް ރިޕޯޓުކުރެވުނެވެ. ފަހުން، 2002 އިން 2011 އަށް ބިޕާޝާ އާއި ޖޯންގެ ދެމެދުގައި ގުޅުން އޮތެވެ. ދީނޯ އާއި ބިޕާޝާގެ ތައާރަފު ކުރުވީ ދެމީހުންގެ އެކުވެރިއެކެވެ. "ރާޒު" ފިލްމުގެ ޝޫޓިންގ ތެރޭގައި މި ދެމީހުން ރުޅިވިއެވެ.
މިހާރު ބިޕާޝާ ކައިވެނިކޮށްގެން އުޅެނީ ކަރަން ސިންގު ގުރޯވާއެވެ. އަދި ދެމަފިރިންނަށް މިހާރު ވަނީ ދޭވީ ކިޔާ ކުއްޖަކުވެސް ލިިބިފައެވެ.