ވަޒީރު މިހެން ވިދާޅުވެފައި މިވަނީ ދިރާސީ އަހަރު ފެށެންވާއިރަށް ބައެއް ސްކޫލްތަކަށް ފަންކާ ހޯދުމަށް ބެލެނިވެރިންގެ އެހީއަށް އެދި ސްކޫލްތަކުން ބެލެނިވެރިންނަށް މެސެޖްކޮށްފައި ވަނިކޮށެވެ.
ޝަފީއު ފޭސް ބުކްގައި ކުރެއްވި ޕޯސްޓެެއްގައި ވިދާޅުވީ މި ފެށޭ ދިރާސީ އަހަރާއި އެކު ތައުލީމީ ނިޒާމަށް ހެޔޮ ބަދަލުތަކެއް ގެންނަން ފަށާ މަޝްރޫއުތަކުގެ ތެރެއިން އެންމެ އިސްކަން ދެެެއްވާ ދެ ކަމުގެ ތެރޭގައި ސްކޫލްތައް އޭސީ ކުރުން ހިމެނޭކަމަށެވެ. އަދި ރާއްޖޭގެ ހުރިހާ ސްކޫލެއް އޭސީ ކުރުމުގެ މަޝްރޫއު މިމަހުގެ ތެޜޭގައި ފައްޓަވާނެކަށެވެ.
ވަޒީރު ވިދާޅުވީ އަންނަ ދިރާސީ އަހަރާއި އެކު ފަށާ މަޝްރޫއުތަކުން ދެން އެންމެ އިސްކަމެއް ދޭނީ މުދައްރިސުން ތަމްރީނު ކުރުމުގެ ގައުމީ ޕްރޮގްރާމް ފެށުންކަމަށެވެ. އަދި ސްކޫލްތަކުގައި މުދައްރިސުން ހޭދަކުރާ ވަގުތު މަދުކުރުމަށްވެސް ފިޔަވަޅުތަކެއް އަޅާނެކަމަށް ވަޒީރު ޝަފީއު ވިދާޅުވިއެވެ.
މިއަހަރުގެ ދިރާސީ އަހަރުގެ ކިޔެވުން ފެށުމަށް ހަމަޖެހިފައިވަނީ މި މަހުގެ 26 ވަނަދުވަހުއެވެ. އާ ދިރާސީ އަހަރަކާއި އެކު އަތޮޅުތަކުން މާލޭގެ ސްކޫލްތަކަށް ބަދަލުވާން 967 ދަރިވަރަކު ވަނީ އެދިފައެވެ. އަދި މާލޭ ސަރަހައްދުން މުޅިން އަލަށް ގްރޭޑް 1 ވެއްދުމަށް 1992 ދަރިވަރުން ވަނީ އެދިފައެވެ.
