އެޗްޕީއޭގެ ހިސާބުތައް ދައްކާގޮތުން އޭޕްރިލް މަހު ޑެންގީ ޖެހިގެން ރިޕޯޓް ކުރި އަދަދު އޭގެ ކުރީ މަހަށް ވުރެއް 125 މީހުން އިތުރެވެ. މާރިޗު މަހު ޑެންގީ ހުން ޖެހިގެން ރިޕޯޓް ކުރީ 119 މީހުންނެވެ.
މިދިޔަމަހުވެސް އެންމެ ބޮޑަށް ޑެންގީ ބަލީގެ މީހުން ފެނިފައިވަނީ ވެރިރަށް މާލެއާއި މާލެ އަތޮޅުގެ އިތުރުން ނ އަތޮޅުންނެވެ.
ޑެންގީ ކޭސްތައް މިދިޔަ މަހު އެންމެ ގިނަ ސަރަހައްދުތައް
- މާލެ އަތޮޅު 28 މީހަކަށް ޖެހުނު
- މާލެއިން 12 މީހަކަށް ޖެހުނު
- ނ. އަތޮޅުން 8 މީހަކަށް ޖެހުނު
ޑެންގީ ހުމުގެ އިތުރުން މިދިޔަ މަހު ދެން އެންމެ ގިބައިން ފެތުރުނީ ވައިރަލް ހުމެވެ. ވައިރަލް ހުމުގެ މީހުންވެސް އެންމެ ގިނައީ ވެރިރަށް މާލޭގައެވެ. މާލެއިން 422 މީހަކު ހުން އައިސްގެން ވަނީ ޑޮކްޓަރަށް ދައްކާފައެވެ. ދެން ހުން އެންމެ ގިނައީ މާލެ އަތޮޅު ރަށްރަށުގައެވެ. މާލެ އަތޮޅޫ ރަށްތަކުން 417 މީހަކަށް ހުންޖެހިގެން ވަނީ ޑޮކްޓަރަށް ދައްކާފައެވެ. ދެން އެންމެ ގިނައިން ހުން ފެތުރުނީ ފ އަތޮޅުގައެވެ. އެ އަތޮޅުން ހުމުގެ 328 ކޭސް ވަނީ ރިޕޯޓްކޮށްފައެވެ.
އެހެނިހެން ބަލިތަަކަށް ބަލާއިރު، އަރިދަފުސް ރޯގާ ޖެހިގެން މިދިޔަ މަހު ރިޕޯޓުކޮށްފައިވަނީ 22،739 މީހުންނެވެ. ބޭރަށް ހިންގުން ޖެހިގެން ރިޕޯޓުކޮށްފައިވަނީ 2،714 މީހުންނެވެ.
