ރައީސްގެ އެޑްވައިޒަރު ޖަނާހް: ސިވިކް އޮފީހެއް ރާއްޖޭގައި ގާއިމުކޮށް، ކަންޓްރީ ޗެއާކަށް އޭނާ ވަނީ ހަމަޖައްސާފައި - ފޮޓޯ:ރައީސް އޮފީސް
ކޮމަންވެލްތު އިންވެސްޓްމަންޓް ކައުންސިލްގެ އޮފީހެއް ރާއްޖެއަށް، ޗެއާއަށް ޖަނާހް
މުހައްމަދު އަތީފް
16 މޭ 2024 - 13:40:29
ކޮމަންވެލްތުގެ ވިޔަފާރި އާއި އިންވެސްޓްމަންޓުގެ ކައުންސިލް (ސިވިކް) ގެ އޮފީހެއް ގާއިމުކުރުމަށް ނިންމާ، އެ ޖަމާއަތުން ރާއްޖެއަށް ކަނޑައަޅާ ކަންޓްރީ ޗެއާކަށް ރައީސް ޑރ. މުހައްމަދު މުއިއްޒުގެ ޕްރިންސިޕަލް އެޑްވައިޒަރު، މުހައްމަދު އަލީ ޖަނާހް ހަމަޖައްސައިފި އެވެ.
Advertisement
ސިވިކްއިން ބުނީ މި އޮފީސް މެދުވެރިކޮށް، ރާއްޖޭގައި ހުރި އިންވެސްޓްމަންޓްތަކާއި ވިޔަފާރީގެ ފުރުސަތުތައް ހޯދައި މަސައްކަތް ކުރާނެ ކަމަށެވެ. އަދި ބޭރުގެ އެކި އިންވެސްޓަރުންނަށް ސަރުކާރާއި ދިވެހި ވިޔަފާރިތައް ތައާރަފުކުރަން މެދުވެރިއެއްގެ ރޯލު އަދާކުރާނެ ކަމަށް ސިވިކްއިން ބުނެ އެވެ.
ސިވިކްއިން ބުނެފައި ވަނީ ކަންޓްރީ ޗެއާގެ ހައިސިއްޔަތުން އެ މަސައްކަތުގައި އެންމެ ދައުރެއް އަދާކުރައްވާނީ ޖަނާހް ކަމަށެވެ.
ރާއްޖޭގައި ގާއިމުކުރާ އޮފީހުން ކޮމަންވެލްތުގެ 56 މެންބަރު ގައުމުގައި ހުރި ވިޔަފާރި އާއި އިންވެސްޓްމަންޓްތަކުގެ ފުރުސަތުތައް ހޯދަން އެހީތެރިކަން ފޯރުކޮށްދޭނެ ކަމަށް ސިވިކްއިން ބުނެ އެވެ.
ސިވިކްއިން ބުނި ގޮތުގައި އެ އޮފީހުން ރާއްޖޭގެ ވިޔަފާރިތަކަށް ސްޓްރެޓެޖިކް ޕާޓްނަރުންގެ ގޮތުގައި މަސައްކަތް ކުރުމުގެ މަގުފަހިވާނެ ކަމުގަ އެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
