އެމްއެންޑީއެފުން ބުނީ ގެެއްލިގެން ހޯދަމުންދިޔަ "އޭއޭއޭ 37" މުދާ އުފުލާ ދޯންޏާއި ގުޅި ކޯސްޓްގާޑް ޝަހީދު އަލީ ދަނީ އެ ދޯނި އޮތް ސަރަހައްދަށް ދިޔުމަށް ދަތުރުކުރަމުންދާކަމަށެވެ.
މާލެއިން ފުރައިގެން މ. މެދުފުށި އައިލެންޑް ރިޒޯޓަށް ދަތުރުކުރަމުްނ ދިޔަ މި ދޯނި ގެއްލުނީ މިދިޔަ ހުކުރު ދުވަހުއެވެ. އޭރު އެ ދޯނިން 4 މީހުން ދަތުރުކުރިއެވެ. އެއީ ދިވެއްސަކާއި ބަންގްލަދޭޝްގެ 3 މީހެކެވެ.
މި ދޯނިންޏާ ގުޅިގެން އެ ދިމާލަށް ކޯސްޓްގާޑު ދަތުރުކުރަމުންދާކަމަށް އެމްއެންޑީޢެފުން ބުނިނަމަވެސް ދޯނީގައި ތިބީ މީހުން ހާލެއް އަދި އެ އިދާރާއަކުން ހާމައެއް ނުކުރެއެވެ.
މި ދޯނީގެ ހަބަރެއް ނުވެގެން އެކަމުގެ މައުލޫމާތު އެމްއެންޑީއެފަށް ލިބުނީ ހުކުރު ދުވަހުގެ ހަވީރު 17:20 ހާއިރު ކަމަށް އެމްއެންޑީއެފް އިން ބުންޏެވެ. ރިސޯޓަށް އެ ދޯނި ފުރީ އެ ދުވަހުގެ ހެނދުނު 6:00 ހާއިރެވެ. މިދޯނި ހޯދުމަށް ވައިގެ މަގުން 48 ގަޑިއިރު ތެރޭ ޖުމްލަ 10،760 އަކަ ނޯޓިކަލް މޭލު ބަލައިފައިވާ ކަމަށް އެމްއެންޑީއެފުން ރޭ ވަނީ ބުނެފައެވެ.
