މ. ރަބީއުވިލާ ގޭގެ ގްރައުންޑު ފްލޯގައި މަރުވެފައި އޮތް މީމީހާ ފެނިފައިވަނީ މިއަދު މެންދުރު 2:20 ހާއިރުއެވެ.
މިމިހާ ފެނުމާއި އެކު މީ މިއަދު ގެއްލިގެން ހޯދަން އިއުލާންކުރި 30 އަހަރުގެ ޒުވާނާކަމަށް ބައެއް މީހުން އަންނަނީ ބުނަމުންނެވެ.
މި ވާހަކަތަކާއި ގުޅިގެން ފުލުހުން ބުނީ މަރުވެފައި އޮއްވާ ފެނުނީ ކާކުކަން އަދި މުޅިން ޔަގީން ނުކުރެވޭކަމަށެވެ. އެއީ ކާކުގެ ހަށިގަނޑެއް ކަން ޔަގީންކުރުމަށް ސައިންޓިފިކް ޕްރޮންސިކް ތަހުލީލުތައް ކުރަމުން އަންނަކަމަށް ފުލުހުން ބުނެއެވެ.
މަރުވެފައި އޮއްވާ މި މިހާ ފެނުނު އެގެއަކީ މީހުން ނުޅޭ ފަޅުގެ އެކެވެ. ގިނަ ދުވަސްތަކެއް ވަންދެން ފަޅަށް ހުންނަ އެ ގޭގައި މިދިޔަ މަހުގެ 10 ވަނަ ދުވަހު ވަނީ އެގޭގައި އަލިފާނުގެ ހާދިސާއެއް ހިނގާފައެވެ.
މި ގެއަކީ ދުވަސްވީ އިމާރާތެއްކަމުން އެގޭގައި އެގޭގެ ވެރި ފަރާތުގެ އައިލާ އެއްވެސް މީހަކު ނުޅޭކަމަށް ވެއެވެ. އެހެންނަމަވެސް ގަވައިދާ ހިލާފަށް އުޅޭ ބައެއް މީހުން އެގޭ ތެރޭ ދިރިއުޅޭކަމަށް އެ ހިސާބު ބައެއް މީހުން ބުނެއެވެ.
އަލިފާނުގެ ހާދިސާއަށް ފަހު ރަބީއުވިލާގޭ އިމާރާތް ތަޅާލުމުގެ މަސައްކަތް ވަަަރަށް އަވަހަށް ކުރާނެކަމަށް ސިޓީތަކާއި އިދާރީ ދާއިރާތައް ހިންގުމާއި، އާންމު މަސައްކަތްތަކާ ބެހޭ ވަޒީރު އާދަމް ޝަރީފު އުމަރު ވަނީ މިދިޔަ މަހުގެ 11 ވަނަދުވަހު ވިދާޅުވެފައެވެ.
