ސިންގަޕޫރު އެއަރލައިންސްއިން ބުނި ގޮތުގައި ލަންޑަނުން ސިންގަޕޫރަށް ދަތުރު ކުރި ފްލައިޓް، ބެންކޮކަށް ޑައިވަރޓްކޮށް އިމަޖެންސީގައި ޖައްސަން ޖެހުނީ ބޭ އޮފް ބެންގާލް ހިސާބުން މޫސުމް ގޯސްވެ ކޮޅިގަނޑެއްގައި ޖެހިގެންނެވެ. މި ފްލައިޓް ޖައްސާފައިވަނީ ރާއްޖޭ ގަޑިން މެންދުރު ފަހުގެ ވަގުތެއްގައެވެ. އެ އެއާލައިނުން ނެރުނު ބަޔާނެއްގައި ބުނެފައި ވަނީ އެ ފްލައިޓުގައި 211 ފަސިންޖަރުންނާއި 18 ކްރޫއިން ދަތުރުކޮށްފައިވެ އެވެ. އަދި މަރުވި މީހާގެ އާއިލާއަށް އެންމެ ފުން ތައުޒިޔާއެއް ފޮނުވައިފި އެވެ.
ފްލައިޓުގައި ހިނގީ ސީދާ ކޮން ކަމެއް އަދި ސާފެއް ނުވެ އެވެ. އެހެންނަމަވެސް ފްލައިޓުގައި ދަތުރު ކުރި މީހަކާ ހަވާލާދީ ރޮއިޓާސް އިން ބުނީ ކުއްލިއަކަށް އެ މަތިންދާބޯޓު "ތިރިއަށް ތިރިވެ ތެޅެން ފެށި" ކަމަށެވެ.
"ބައެއް މީހުން ބޮލުގެ މަތީގައިވާ ބެގޭޖް ކެބިންތަކުގައި ބޮލުގައި ޖަހައި ޑެންޓްކޮށް، ލައިޓްތަކާއި މާސްކް ހުންނަ ތަންތަނުގައި ޖެހި ސީދާ އެތަނުން ފަޅައިގެން ދިޔައީ."
ފްލައިޓް ޓްރެކިން ޑޭޓާއިން ދައްކާ ގޮތުގައި ފްލައިޓް އެސްކިއު 321 ވަނީ ބެންގަލް ފަޅު ހުރަސްކުރުމަށް ފަހު ކްރޫޒިން އުސްމިނުން 6،000 ފޫޓު (1،800 މީޓަރު) އަށް ވެއްޓިފަ އެވެ.
ސިންގަޕޫރުގެ ޓްރާންސްޕޯޓް މިނިސްޓަރު ޗީ ހޮންގް ޓަޓް ވިދާޅުވީ ފަސިންޖަރުންނާއި އެމީހުންގެ އާއިލާތަކަށް ސަރުކާރުން އެހީތެރިކަން ފޯރުކޮށްދޭނެ ކަމަށެވެ.
