ފުލުހުން މިހެން ބުނެފައިމިވަނީ ދައުވަތު ދީގެން ގެންގޮސް ފޭރި ބްލެކް މެއިލް ކުރަމުންދާ ބަޔަކު ހިޔާ ޓަވަރުގައި އުޅޭކަމަށް ބުނެ އެވާހަކަތައް އާއްމުވެފައި ވަނިކޮށެވެ.
ފުލުހުންގެ ތަރުޖަމާނު ސްޕްރިޓެންޓް އޮފް ޕޮލިސް އަހްމަދު ޝިފާން ވިދާޅުވީ ފޭރުމާއި ބްލެކް މެއިލްކުރުމުގެ އަމަލުތައް ހުއްޓުވުމަށް އެ އިދާރާއިން މަސައްކަތް ކުރަމުން އަންނަކަށެވެ. އެހެންކަމުން ނުދަންނަ ނޭގޭ މީހުން ގުޅާ ދޭ ދައުވަތުތަކަށް ތަންތަނަށް ނުދިޔުމަށް ފުލުހުންގެ ފަރާތުން ތަރުޖަމާނު ޝިފާން އިލްތިމާސްކުރެއްވިއެވެ.
މާލޭގައި ބްލެކް މޭލްކޮށް ފޭރެމުން ދިޔަ ދެ ދިވެއްސަކު ވަނީ ހައްޔަރުކޮށްފައެވެ. އުމުރުން 30 އަހަރާއި 33 އަހަރުގެ މި ދެ ފިރިހެނުން ކޯޓަށް ހާޒިރުކުރުމުން ވަނީ ޝަރީއަތް ނިމެންދެން ބަންދުކޮށްފައެވެ.
މި ދެމީހުން ހައްޔުރުކޮށް ބަލާ ފާސްކުރިއިރު އެ ދެމީހުންގެ ފޯނުގައި ގިނަ ބައެއްގެ ބަރަހަނާ ފޮޓޯތައް ހުރިކަން ވަނީ އެނގިފައެވެ. މި ދެމީހުންނަކީ ކުށުގެ ރެކޯޑް އޮންނަ ދެ މީީހުންނެވެ.
