މިއީ، 2023 ވަނަ އަހަރުގެ ޖުލައި މަހުގެ ދެވަނަ ދުވަހާއި ހަމަށް، ކެމްޕިއަން މޯލްޑިވްސް ކިޔާ ކުންފުންޏަކާ އެކު ފެނަކައިން ވެފައިވާ ވިޔަފާރި އެއްބަސްވުމެއްގެ ތެރެއިން އެ ކުންފުންޏަށް ދައްކަން ޖެހި ނުދައްކާވާ ފައިސާ އެވެ.
މި މައްސަލަ ސިވިލް ކޯޓުން އަންގާރަ ދުވަހު ނިންމާފައިވާއިރު، ސިވިލް ކޯޓުން މައްސަލަ ނިމުނު ގޮތުގެ ރިޕޯޓުން އެނގޭ ގޮތުގައި މިއީ، ކެމްޕިއަން ކުންފުންޏަށް ފެނަކައިން ދައްކަން ޖެހޭ އަށް މިލިއަން ރުފިޔާގެ މައްސަލައެކެވެ. މި އަށް މިލިއަން ރުފިޔާގެ ތެރެއިން ދެ މިލިއަން ރުފިޔާ ފެނަކައިންވަނީ ދައްކާފަ އެވެ.
ބާކީ ހަ މިލިއަން ހޯދަން ކެމްޕިއަން ކުންފުނިން ކޯޓަށް ހުށަހެޅުމުން ފެނަކައިން ބޭނުންވީ އަށް މަހަށް ބަހާލައިގެން އެ ފައިސާ ދައްކާށެވެ. އެހެންނަމަވެސް ކެމްޕިއަން ކުންފުނިން އެކަމަށް އިންކާރުކޮށް އެދުނީ، މަސް ދުވަހުގެ ތެރޭގައި އެ ފައިސާ ފެނަކައިން ހޯދާށެވެ.
މި މައްސަލައިގައި ސިވިލް ކޯޓުގެ ގާޒީ މުހައްމަދު އީސާފުޅު، އަންގާރަ ދުވަހު ނިންމީ، 30 ދުވަހުގެ ތެރޭގައި އެ ފައިސާ ދައްކަން ފެނަކައިގެ މައްޗަށް އަންގާށެވެ.
