މި ދަފްތަރު ހުޅުވާފައިވަނީ ހާފިޒު ކިޔާވާ ވިދާޅުވި ސްކޫލް އީޕީއެސްގެ މުސްކުޅި ދަރިވަރުން އުފައްދާފައިވާ ފައުންޑޭޝަންއިންނެވެ. މި ދަފްތަރުގައި ހުޅުވާދެއްވީ މަސްވެރިކަމާއި ބެހޭ ވަޒީރު އަހްމަދު ޝިޔާމުއެވެ.
މި ދަފްތަރު ބާއްވާފައިވަނީ ސީނިއާ އެސިސްޓެންޓް ޕްރިންސިޕަލެއްގެ ގޮތުގައި ހާފިޒު މަސައްކަތްކުރެއްވި އަހްމަދިއްޔާ އިންޓަރނޭޝަނަލް ސްކޫލްގެ ގެލަރީގައެވެ. ހާފިޒުގެ ހަނދާނުގައި ތައުޒިޔާގައި ލިޔަން ބޭނުންވާ ފަރާތްތަކަށާއި، އާއިލާއަށް ތައުޒިޔާކިޔަން ބޭނުންވާ ފަރާތްތަކަށް މި ދަފްތަރު ހުޅުވާލާފައިވާކަމަށް އީޕީއެސް ފައުންޑޭޝަނުން ބުނެއެވެ.
މިިދޔަ މަހުގެ 29 ވަނދުވަހހު އުމުރުން 62 އަހަރުގައި ހާފިޒް އަވަހާރަވީ ކެންސަރު ބައްޔަށް ފަރުވާ ހޯއްދަވަމުން ގެންދަވަނިކޮށް އައިޖީއެމް ހޮސްޕިޓަލްގައެވެ. ހާފިޒު ކެންސަރަށް ފަރުވާ ހޯއްދަވާތާ ގާތްގަޑަކަށްް ވަނީ ނުވަ އަހަރުވެފައެވެ.
ކުޅިވަރާއި ތައުލީމީ ދާއިރާއިން ފާހަގަކޮށްލެވޭ ހާފިޒު ހާއްސަވެޑައިގެންފައިވަނީ މަސްވެރިކަމުގައި ދާއިރާއަށެވެ. މަސްވެރިކަމުގެ ދާއިރާއިން ހިތްވަރު ދިނުމުގެ އިނާމް ލިބިވަޑައިގެންފައިވާ ހާފިޒަކީ މަސްވެރިކަމުގެ ޕޮލިސީތައް ރޭއްވެވުމުގައާއި މަސްވެރިކަމުގެ ދައިރާއިން މީހުން ހޭލުންތެރިކުރުވުމަށް ވަރަށް ފުޅާ ދާއިރާއެއްގައި މަސައްކަތް ކުރެއްވި ބޭފުޅެކެވެ. ފިޝަރީޒް މިނިސްޓްރީގެ އިސް މަގާމުތަކެއް ފުރުއްވާފައިވާ ހާފިޒަކީ މަސްވެރިކަމާއި ގުޅޭގޮތުން ނެރެމުންދިޔަ މަޝްހޫރު މަޖައްލާ "ރަސްއައިން"ގެ އެޑިޓަރުކަން ވަރަށް ގިނަ ދުވަހު ކުރެއްވި ބޭފުޅެކެވެ.
