20 ވަނަ ރައްޔިތުންގެ މަޖިލީހުގެ ހިއުމަން ރައިޓްސް އެންޑް ޖެންޑަރ ކޮމިޓީގެ މުގައްރިރަކަށް، ރައީސް ޑރ. މުހައްމަދު މުއިއްޒުގެ ކޮއްކޮ، ނިލަންދޫ ދާއިރާގެ މެންބަރު ފާތިމަތު ސައުދާ ހަމަ ޖައްސާފައިވާއިރު، ނިމިދިޔަ 19 ވަނަ މަޖިލީހުގައި އެ ކޮމިޓީގެ މުގައްރިރަކަށް އިންނެވީ އޭރުގެ ރައީސް އިބްރާހީމް މުހައްމަދު ސާލިހްގެ ކޮއްކޮ، ޖީހާން މަހްމޫދެވެ.
މަޖިލީހުގެ ހިއުމަން ރައިޓްސް އެންޑް ޖެންޑަ ކޮމިޓީ ކޮމިޓީގެ މަސްއޫލިއްޔަތަކީ، އިންސާނީ ހައްގުތަކާއި، ޖެންޑަރ އީކުއަލިޓީއާއި ކުޑަކުދިންގެ ހައްގުތަކާގުޅޭ އެންމެހައި ކަންކަން ބަލައި ދިރާސާކޮށް އަޅަންޖެހޭ ފިޔަވަޅުތައް އެޅުމާއި، މިނިސްޓްރީ އޮފް ޖެންޑަ، ފެމިލީ އެންޑް ސޯޝަލް ސާވިސަސްއާއި، ހިއުމަން ރައިޓްސް ކޮމިޝަން އޮފް ދަ މޯލްޑިވްސްއާއި، ފެމިލީ ޕްރޮޓެކްޝަން އޮތޯރިޓީ އަދި މިނޫންވެސް ހިއުމަން ރައިޓްސް، ޖެންޑަރ އަދި ކުޑަކުދިންގެ ހައްގުތަކާގުޅޭ އެންމެހައި ކަންކަމާގުޅޭ އިދާރާތަކުގެ މަސައްކަތްތައް ހިނގާގޮތް ބެލުމާއި، ހިއުމަން ރައިޓްސް ކޮމިޝަންގެ މެންބަރުން އައްޔަނުކުރުމާއި ވަކިކުރުމުގެ މަސައްކަތް ކުރުމެވެ.
20 ވަނަ މަޖިލީހުގެ ހިއުމަން ރައިޓްސް އެންޑް ޖެންޑަރ ކޮމިޓީގެ މުގައްރިރަކަށް ނިލަންދޫ މެންބަރު ސައުދާ ހަމަ ޖައްސާފައިވާއިރު، ނައިބު މުގައްރަރަކީ ކުޑަހުވަދޫ ދާއިރާގެ މެންބަރު ހުސެއިން ހަމީދެވެ. މަޖިލީހުގެ ހިއުމަން ރައިޓްސް އެންޑް ޖެންޑަރ ކޮމެޓީގައި ތިއްބަވާނީ 11 މެންބަރުންނެވެ. އެއީ:
1. ފާތިމަތު ސައުދާ (މުގައްރިރު)
2. ހުސެއިން ހަމީދު (ނައިބު މުގައްރިރު)
3. އަބްދުއްﷲ ރަޝީދު (ދަނގެތި ދާއިރާ)
4. ހަންނާނު މުހައްމަދު ރަޝީދު (ގުރައިދޫ ދާއިރާ)
5. މުހައްމަދު އަލީ (ގައްދޫ ދާއިރާ)
6. ހުސެއިން ނާސިހު (މެދުހެންވޭރު ދާއިރާ)
7. ހުސެއިން ޒިޔާދު (ވައިކަރަދޫ ދާއިރާ)
8. ފަރުހަތު މުހައްމަދު (ކުޅުދުއްފުށި ދެކުނު ދާއިރާ)
9. ގާސިމް އިބްރާހިމް (މާމިގިލި ދާއިރާ)
10. އަނާރާ ނައީމް (ހުރާ ދާއިރާ)
11. މުހައްމަދު އަލީ (ދުވާފަރު ދާއިރާ)
