މަރުކަޒީ ބޭންކް، އެމްއެމްއޭ: ހުޅުމާލޭން 210 މިލިއަން ރުފިޔާއަށް ބިމެއް ވަނީ ގަނެފައި - ފޮޓޯ:އެމްއެމްއޭ
އެމްއެމްއޭއިން 210 މިލިއަން ރުފިޔާއަށް ހުޅުމާލޭން ބިމެއް ގަނެފި
މުހައްމަދު އަތީފް
04 ޖޫން 2024 - 13:45:01
މަރުކަޒީ ބޭންކް، މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން 210 މިލިއަން ރުފިޔާއަށް ހުޅުމާލޭން ބިމެއް ގަނެފި އެވެ.
Advertisement
ހުޅުމާލޭން 43،400 އަކަފޫޓުގެ ބިމެއް ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) ގެ އަތުން އެމްއެމްއޭއިން ގަނެފައި ވަނީ 210 މިލިއަން ރުފިޔާއަށެވެ.
އެޗްޑީސީގެ އަތުން ހުޅުމާލޭން 43،400 އަކަފޫޓުގެ ބިމެއް އެމްއެމްއޭއިން ވަނީ މިދިޔަ އަހަރު ވެސް ގަނެފަ އެވެ. އެ އޮތޯރިޓީން އޭރު ބުނީ 210 މިލިއަން ރުފިޔާއަށް ބިމެއް ގަތީ ދައުލަތުގެ ހަޒާނާ ރައްކާތެރިކޮށް ބެލެހެއްޓުމަށް އިތުރު ބިމެއް ބޭނުންވާތީ ކަމަށެވެ.
ސިވިލް ކޯޓުން އިއްޔެ ކުރި ހުކުމުގައި ބުނެފައި ވަނީ އެމްއެމްއޭއިން ބިމުގެ އަގަށްވާ ފައިސާ މިދިޔަ ޖެނުއަރީ މަހު އެޗްޑީސީއަށް ދައްކާފައި ވުމާ އެކު އެ އޮތޯރިޓީއަށް އެ ބިން މިލްކުވެފައިވާ ކަމަށެވެ.
ސަރުކާރުން ވަނީ މީގެކުރިން ވެސް ބައެއް އޮފީސްތައް ގާއިމު ކުރުމަށާއި ޑިޕްލޮމެޓިކް ބޭނުންތަކަށް ހުޅުމާލޭން ބިންތައް ގަނެފަ އެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
