ސީޕީ މިހެން ވިދާޅުވީ ދިވެހިގެ ފުލުހުންގެ ހިދުމަތުގެ ސްޓްރެޓީޖިކް ޕްލޭން އިފްތިތާހުކުރުމަށްް ބޭއްވި ރަސްމިއްޔާތުގައި ވާހަކަ ދައްކަވަމުންނެވެ.
ސީޕީ ސުޖާއު ވިދާޅުވީ ކުށްކުރާ ގޭންތަކުގެ ބިރުވެރިކަމުގައި ރާއްޖެ ސަލާމަތްކުރުމަށްް އާ މަސައްކަތްތަކެއް ކުރުމަށް ފުލުހުންގެ އާ ސްޓްރެޓީޖިކް ޕްލޭންގައި ހިމެނާފައިވާކަމަށެވެ. ސީޕީ ވިދާޅުވީ މި ޕްލޭން ވުޖޫދުވާ ހިސާބުން ރާއްޖޭގެ އެކި ހިސާބުތަކުގައި ހަރަކާތްތެރިވާ ގޭންގުތައް ހުއްޓުވަން ފުލުހުންގެ ތެރޭގައި ވަކި ޑިޕާޓްމެންޓެެއް އުފެދިގެންދާނެކަމަށެވެ.
ގޭންގުތަކާއި މަސްތުވާތަކެތި ހުއްޓުވުމަށް ފުލުހުން އުފެއްދި ބަޔަށް ކިޔަނީ "ޑްރަގު އެންޑް ވައިލެންޓް ކްރައިމް ކޮމާންޑް" އެވެ.
މި ކޮމާންޑްގެ މަސައްކަތަކީ މި ދިވެހި ގައުމަކީ އެންމެނަށް ރައްކާތެރި ތަނަކަށް ހެދުމަށް ދިވެހި ފުލުހުންގެ ހިދުމަތުގެ މަރުކަޒީ އަދި ސަރަޙައްދީ ގާބިލުކަން ހަރުދަނާކޮށް، މަސްތުވާތަކެތީގެ ވަބާއާ ދެކޮޅަށް ހަރަކާތްތެރިވެ، ގޭންގް މާރާމާރީތައް ހުއްޓުވައި، ގަވާއިދާ ހިލާފަށް އުޅޭ ބިދޭސީ މަސައްކަތްތެރިން ހޯދައި، އަދި ހިއުމަން ޓްރެފިކިން، ވައްކަން، ފޭރުން، މަކަރާއި ހީލަތް، ޓްރެފިކް ގަވައިދާ ހިލާފްވުން، ސައިބާ ކްރައިމް، ޓެރަރިޒަމް އަދި ވައިލެންޓް އެކްސްޓްރީމިޒަމް، ގެވެށި އަނިޔާ، އަންހެނުންނާއި ކުޑަކުދިންނަށް ކުރާ އަނިޔާގެ އިތުރުން ޕަބްލިކް ޑިސްއޯޑަރ ހިމެނޭހެން ރަައްޔިތުންގެ އިތުބާރު އުފެއްދުމަށް މުޖުތަމައާއި ގުޅިގެން ކުށާއި ކުށުގެ ބިރުވެރިކަން ނައްތާލުމަށް މަސައްކަތްކުރުންކަމަށް ފުލުހުން ބުނެއެވެ.
