މި ފަރާތްތަކުގެ ތެރޭގައި ހިމެނެނީ ގާނޫނީ އެހީތެރިކަން ބޭނުންވާ 6 އަންހެނަކާއި ސިއްހީ ހިދުމަތް ހޯދުމުގައި އިދާރީގޮތުން ގޮންޖެހުންތަކެއް ހުރެ އެހީތެރިކަމަށް އެދުނު 3 އަންހެނަކާއި ނުކުޅެދުންތެރިކަން ހުރި ކުޑަ ކުއްޖެކެވެ.
ގާނޫނީ އެހީތެރިކަން ބޭނުންވާ 6 އަންހެނުންގެ ތެރެއިން 2 އަންހެނަކަށް ޝަރުއީ މަރުހަލާގައި ގާނޫނީ ވަކީލެއްގެ އެހީތެރިކަން ފޯރުކޮށްދެވިފައިވެ އެވެ. އަދި 4 އަންހެނަކަށް ގާނޫނީ ލަފާ ފޯރުކޮށްދެވިފައިވެ އެވެ. މި 6 މައްސަލައިގައި ހިމެނެނީ ގެވެށި އަނިޔާއާއި ވަރީގެ މައްސަލަތަކެވެ.
މި ކެމްޕޭންގެ ދަށުން ބްރިޖިންގ ދަ ކޮމިއުނިޓީސް އޮފް މޯލްޑިވްސްގެ އެހީތެރިކަމަށް އެދޭ މައްސަލަތަކުގެ ތެރޭގައި ހިމެނޭ، އަނިޔާ ލިބެމުންދާ އަދި ރައްކާތެރިކަން ބޭނުންވާ އަންހެނުންނަށް އަންހެނުންގެ ބަލިތަކަށް ހާއްސަ ޑޮކްޓަރުންނަށް ދެއްކުމުގެ އިންތިޒާމު ހިލޭ ހަމަޖައްސައިދިނުމާއި، ގާނޫނީ އެހީތެރިކަން ހިލޭ ފޯރުކޮށްދިނުމާއި، ކައުންސިލިންގގެ ހިދުމަތް ހިލޭ ފޯރުކޮށްދިނުން ހިމެނެ އެވެ.
މީގެ އިތުރުން، ވަކި ޖިންސެއްގެ މީހަކަށް ވީތީ ލިބޭ އަނިޔާއާއި އަންހެނުންނަށް ކުރާ އަނިޔާއާ ދެކޮޅަށް ހޭލުންތެރިކަން އިތުރުކުރުމަށް މީޑިއާގެ ވަސީލަތްތައް މެދުވެރިކޮށް މަސައްކަތްތަކެއް ވެސް ކުރެވިފައިވެއެވެ.
"އަޅާލުން" ކެމްޕޭނަކީ އިންޑިއާ ސަރުކާރުން ދިވެހިރާއްޖެއަށް ކަނޑައަޅުއްވާފައި ހުންނަވާ ސަފީރު، ހިޒް އެކްސަލަންސީ މުނު މަހާވަރް އިފުތިތާހުކޮށްދެއްވި ކެމްޕޭނެކެވެ.
