ޕީއެސްއެމްގެ ރާއްޖެމިއަދު ޕްރޮގުރާމްގައި ވާހަކަފުޅު ދައްކަވަމުން ނިޒާރު ވިދާޅުވީ، ގާމެންޓް ފެކްޓަރީގެ ސަބަބުން އައްޑޫގައި ވަޒީފާގެ ފުރުސަތު އިތުރުވެގެން ދާނެ ކަމަށެވެ.
ރާއްޖޭގައި ކާމިޔާބުކަމާއެކު ގާމެންޓް ފެކްޓުރީތައް ހިނގިދާނެ ކަމަށާއި، އަދި އައްޑޫ ސިޓީފަދަ ބިންބޮޑު ތަނެއްގައި މިއީ ކުރަން ވަރަށް މުހިންމު ކަމެއް ކަމަށް ނިޒާރު ވިދާޅުވި އެވެ.
ނިޒާރު ވިދާޅުވީ، އައްޑޫގައި ގާމެންޓް ފެކްޓްރީތައް ހިންގިއިރު ދުނިޔޭގެ ނަން މަޝްހޫރު ބައެއް ބްރޭންޑްތައް ވެސް އުފެއްދުނު ކަމަށާއި، އޭރު އައްޑޫވަނީ އިގްތިސާދީ ގޮތުން ބޮޑު ކުރިއެރުމެއް ހޯދާފައި ވާ ކަމަށެވެ.
މީގެ އިތުރުން ނިޒާރު ވިދާޅުވީ، ހަމައެކަނި ޓޫރިޒަމަށް ބަރޯސާވެފަ އޮތް އޮތުން ނިމުމަކަށް ގެނެސް އެހެން އިންޑަސްޓްރީތައް ކުރިއަރުވަން ޖެހޭ ކަމަށާއި، އައްޑޫ ފަދަ ބިން ބޮޑު ސިޓީއެއްގައި ފުޅާ ދާއިރާއެއްގައި ގާމެންޓް ފެކްޓްރީ ހިންގުމަކީ ކުރެވިދާނެ ކަމެއް ކަމަށެވެ.
