އިއްޔެ ދައުލަތުގެ މީޑިއާއަށް މައުލޫމާތު ދެމުން އާޒިމް ވިދާޅުވީ މާލެ ތޮއްޖެހިގެން ދިއުމުގެ ބޮޑު ޒިންމާއެއް ޓްރާސްޕޯޓް މިނިސްޓްރީން ނަގަންޖެހޭކަަމަށެވެ. ޓްރާސްޕޯޓް މިނިސްޓްރީގެ އިތުރުން ސިޓީ ކައުންސިލުންވެސް ގަރާޖު ސިޓީ ދޫކުރަނީ ދޭން ވާގޮތައްނޫންކަަމަށާއި، މިހާރު ގަރާޖު ސިޓީ ދޫކޮށްފައި އޮތް ގޮތުގެ ސަބަބުން ބޮޑެތި މައްސަަލަތަކާ ކުރިމަތިލާން ޖެހޭކަަމަށާއި އެކަން އެގޮތައް ކޮށްގެން ނުވާނެ ކަމަށް އާދަމް އާޒިމް ވިދާޅުވި އެވެ.
މާލޭގައި ދުއްވޭނީ ކިތައް އުޅަނދައްކަން އެނގިގެން ދާނީ ސްޓަޑީއެއް ހެދުމަށްފަހު ކަމަށާއި މިހާރު ބައެއް ހިސާބުތަކުން ކެރީން ކެޕޭސިޓީގެ 70 އިންސައްތައަށްވުރެ އިތުރަށް މާލޭގައި އުޅަނދުތައް އެބަހުރިކަމަށް ސިޓީ ކައުންސިލަަށް ލަފާކުރެވޭކަމަށް އާޒިމް ވިދާޅުވި އެވެ.
ރައްޔިތުން ތަންތަނަށް އިންތިހާބުކޮށްފަ މި ހުރީ އެންމެންނަށް މިއަށް ވުރެ ހިތްފަސޭހަަކޮށް އުޅޭވޭނެ ގާނޫނާ ގަވައިދު ތަންފީޒުކުރާ، ސަލާމަތާއި ރައްކާތެރިކަން އޮތް މާލެ ސިޓީއެއް ރާއްޖޭގެ ރައްޔިތުންނަށް ހޯދާދިނުމުގެ މަގްސަދުގައި ކަމަށް މޭޔަރު އާޒިމް ފާހަގަކުރެއްވި އެވެ. އެހެންވީމާ ގައުމުގެ ޒިންމަާތަކަށް ހަވާލުވެފައި ހުރި ފަރާތްތަކުން ރަނގަޅަށް ކަންތައް ކުރަންޖެހޭކަމަށް ފާހަގަކޮށް އާޒިމް ވިދާޅުވީ ކެރީން ކެޕޭސިޓީ ކަނޑައެޅިގެން އަންނަ އިރުގަގިނަ ކަންތައްތަކެއް އޭގެ ތެރޭގައި ހިމެނިގެންވެސް ދާނެކަމަށެވެ.
މީގެ އިތުރުން ބައެއް މީހުން އިމްޕޯޓްކުރެވެންޏާ ރަޖިސްޓްރީ ކުރެވެން ޖެހޭނެއޭ ކިޔަމުން އަންނަ ވާހަކައަށް އަލިއަޅުއްވާލަމުން އާޒިމް ވިދާޅުވީ އެއީވެސް ދައްކަން ހުރި ގާނޫނާ ގުޅޭ ވާހަކަތައްކަަމަށެވެ.
އިމްޕޯޓް ކުރެވެންޏާ ރެޖިސްޓްރީ ކުރެވޭނެ އޭ ބައެއް މީހުން ބުނާ ބުނުމަށް ރައްދުދެއްވަމުން އާޒިމް ވިދާޅުވީ ރާއްޖެއަށް އިމްޕޯޓްކުރެވޭނީ ހަަމައެކަނި ވެހިލަކަލްއެއް ނޫންކަމަށާއި ރާއްޖެއަށް ހުރިހާ އެއްޗެއްވެސް އިމްޕޯޓްކޮށްއުޅޭކަމަށެވެ. އަދި އިމްޕޯޓްކުރަނީ ގުދަނަށް ކަަމަށާއި ގުދަނެއް ނެތި ރާއްޖެއަށް އެއްވެސް އެއްޗެއް އިމްޕޯޓެއް ނުކުރެވޭނެކަން ގަވާދުގައި ވާކަމަށް އާޒިމް ފާހަގަކުރެއްވި އެވެ.
ގަވާދު ހަދާފައި އޮތީ ވަކި އެއްޗެއް މަގުމަތީގަ ގުދަނަށް ހަދައިގެން އުޅޭކަށެއް ނޫން ކަމަށާއި އެހެންނޫންނަމަ ކާރު އިމްޕޯޓް ކުރާ ފަރާތްތަކަށްވެސް ގުދަން ހުރިއްޔާ އިމްޕޯޓް ކުރުމަކީ މައްސަލައަކަށް ނުވާނެކަމަށް އާޒިމް ވިދާޅުވިއެވެ. ގާނޫނުގައި ވާގޮތުގެ މަތިން މިހާރު ރަޖިސްޓްރީ ކުރެވޭނީ ގަރާޖެއް އޮވެގެން ކަމަށާއި އެގޮތަށް ބަރާބަަރަށް ހިނގާ ކަމަށް ވެއްޖެއާމުން، މާލޭގައި ތޮއްޖެހުންޖަންތައް ކުޑަ ވެެގެން ދާނެކަމަށް އާޒިމް ވިދާޅުވި އެވެ.
