މި ގޮނޑިއަށް ވާދަކުރީ ދެ ކެނޑިޑޭޓުންނެވެ. އެއީ ވެރިކަންކުރާ ޕީއެންސީ ވާދަކުރި މިޒްނާ ތައުފީގާއި އަމިއްލަ ގޮތުން ވާދަކުރި ރީމާ ހުސެއިންއެވެ. ރީމާ ޕީއެންސީގެ ޮަކެންޑިޑޭޓް ބަލިކުރީ 54 ވޯޓްގެ ތަފާތުންނެވެ.
އަމިއްލަ ގޮތުން ވާދަކުރި ރީމާ ހުސެއިން އަށް ލިބުނީ 336 ވޯޓެވެ. ޕީއެންސީ ވާދަކުރީ މިޒްނާ ތައުފީގަށް ލިބުނީ 282 ވޯޓެވެ. މި ބައި އިލެކްޝަންގައި ވޯޓްލުމުގެ ހައްގު 1332 މީހުންނަށް ލިބުނެވެ. އެކަމަކު ވޯޓްލީ 627 މީހުންނެވެ.
އެންމެ ފަހުން ބޭއްވި ރައްޔިތުން މަޖިލީހުގެ އިންތިހާބުގައި މ. އަތޮޅުގެ ދެ ގޮނޑިވެސް ކާމިޔާބުކުރީ ސަރުކާރު ހިންގާ ޕީއެންސީ ކެންޑިޑޭޓުންނެވެ. މުލަކު ދާއިރާގެ ގޮނޑި ކާމިޔާބު ކުރީ އިބްރާހިމް ނައުފަލުއެވެ. ދިއްގަރު ދާއިރާ ގޮނޑި ކާމިޔާބުކުރީ އަހްމަދު ނާޒިމްއެވެ.
މިއަދުވަނީ އިތުރު ދެ ރަށެއްގެ ކައުންސިލްގެ ބައި އިލެކްޝަން ބާއްވާފައެވެ. އެއީ ދ. ކުޑަހުވަދޫ ކައުންސިލްގެ ރައީސްއާ ލ. ގަމު ކައުންސިލްގެ މެމްބަރެވެ.
ކުޑަހުވަދޫ ކައުންސިލް ރައީސްކަން އެމްޑީޕީއާ ވާދަކޮށް 826 ވޯޓް ހޯދައިގެން ކާމިޔާބުކުރީ ޕީއެންސީގެ ޖާދުﷲ ހަމީދުއެވެ. އެމްޑީޕީން ވާދަކުރި އަބްދުﷲ ޖަމީލަށް ލިބުނީ 624 ވޯޓެވެ.
ލ. ގަމު ކައުންސިލް މެމްބަރުގެ ބައި އިލެކްޝަން ކާމިޔާބުކުރީ އިދިކޮޅު އެމްޑީޕީއެވެ. ސަރުކާރުގެ ކެނޑިޑޭޓާއި ވާދަކޮށް އެމްޑީޕީގެ އަފްސަލް ޖައުފަރު އިންތިހާބު ކާމިޔާބުކުރީ 894 ވޯޓުންނެވެ. ޕީއެންސީގެ އަލީ ނަޝީދަށް ލިބުނީ 644 ވޯޓެވެ.
