މިނިސްޓަރުގެ މި ދަތުރުގައި ރާއްޖޭގެ ޓެލެކޮމިއުނިކޭޝަން ކުރިއެރުމާ، ރައްޔިތުންގެ ލާބަޔާ މަންފާއަށް ޓަކައި މޯބައިލް ހިދުމަތް އެންމެ އެކަށޭނަ ގޮތުގައި ދެވޭނެ ގޮތް ދެނެގަތުމަށް 5 ޖީގެ ހިދުމަތް ޗައިނާގައި ދޭ މަޝްހޫރު ފަރާތްތަކާއެކު މަޝްވަރާކުރުމަށް ހަމަޖެހިފައިވާކަމަށްް އެ މިނިސްޓްރީން ބުނެއެވެ.
މިނިސްޓަރު އާދަމް ޝަރީފު އުމަރު ވިދާޅުވީ ޗައިނާގައި 5 ޖީ މޯބައިލް ހިދުމަތް ދިނުމުގައި އެންމަ ކުރިއަރާފައިވާ ފަރާތްތަކާއެ އެކު މި ދަތުރުގައި މަޝްވަރާ ބައްދަލުވުންތައް ބާއްވާނެކަމަށެވެ. އަދި އެ ހިދުމަތް ދެމުން އަންނަ ގޮތުގެ އިތުރު މައުލޫމާތު ހޯދާނެކަމަށްވެސް އާދަމް ޝަރީފު އުމަރު ވިދާޅުވިއެވެ.
އާދަމް ޝަރީފު އުމަރު ޗައިނާއަށްް ފުރާވަޑައިގެންއިރު މިވަގުތުވެސް ދައުލަތުގެ ތިން ވަޒީރަކު އުޅުއްވަނީ ޗައިނާގައެވެ. އެއީ އިކޮނޮމިކް މިނިސްޓަރު މުހައްމަދު ސައީދާއި އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދާއި ހެލްތް މިނިސްޓަރު ޑރ. އަބްދުﷲ ހަލީލެވެ. މި ތިން ވަޒީރުންވެސް ޗައިނާގައި އުޅުއްވަނީ އެކިއެކި ފޯރަމްތަކުގައި ބައިވެރިވެވަޑައިގަތުމަށެވެ.
