އެފްއޭއެމްގެ ޖެނެރަލް ސެކްރެޓަރީ ޖައުޝަން: ފޮޓޯ: ފަޔާޒު މޫސާ މިހާރު
ފީފާގެ ބެލުމުގެ ދަށުން އެފްއޭއެމް ހިންގުން ޖައުއާ ހަވާލުކޮށްފި
ސްޕޯޓްސް ޓީމް
03 ޖުލައި 2024 - 18:18:23
ފީފާގެ ބެލުމުގެ ދަށުން، ހަމައެކަނި އިދާރީ މުއާމަލާތްތައް ކުރެވޭ ގޮތަށް، އެފްއޭއެމްގެ ހިންގުން ޖެނެރަލް ސެކްރެޓަރީ މުހައްމަދު ޖައުޝަން ޝަރީފް (ޖައު) އާ ފީފާ އިން ހަވާލުކޮށްފި އެވެ.
Advertisement
މައުލޫމާތު ލިބިފައިވާ ގޮތުގައި ފީފާއިން، އެފްއޭއެމްގެ ހިންގުން ޖައުއާ ހަވާލު ކުރީ، އެފްއޭއެމްގެ އިންތިހާބީ އެކްސްކޯގެ ދައުރު ހަމަވެ، ގާނޫނީ ހުސްކަމަކަށް އެ އިދާރާ ދިޔުމުންނެވެ. މައުލޫމާތު ލިބިފައިވާ ގޮތުގައި ފީފާއިން ޖައުއަށް އަންގާފައިވަނީ ހަމައެކަނި އެޑްމިނިސްޓްރޭޓިވް ކޮމިޔުނިކޭޝަންތައް ކުރިއަށް ގެންދަޔުމަށެވެ.
މައުލޫމާތު ލިބިފައިވާ ގޮތުގައި އެފްއޭއެމް ނޯމަލައިޒްކޮށް، ފީފާއިން ވަރަށް އަވަހަށް ކޮމިޓީއަކާ ހަވާލުކުރާނެއެވެ.
ޖައުއަކީ މިދިޔަ އަހަރުގެ ނޮވެމްބަރުން ފެށިގެން އެފްއޭއެމްގެ ޖީއެސްއެވެ. ޖައު އެ މަގާމަށް ހަމަޖެއްސީ އޭގެ ކުރިން އެ މަގާމުގައި ހުންނެވި ހުސައިން ޖަވާޒު މަގާމުން އިސްތިއުފާ ދިނުމުންނެވެ.
ފީފާއިންވަނީ އެފްއޭއެމްގެ ރައީސްކަމުގައި އެންމެ ފަހުން ހުންނެވި ބައްސާމް އަދީލް ޖަލީލް ސަސްޕެންޑްކޮށްފައެވެ.
100%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
