ވ. އަތޮޅު ބޮޑުފިނޮޅާއި އެ ފިނޮޅުގެ ފަޅު ވިއްކާލާފައިވަނީ 729،000 ޑޮލަރަށް (11.2 މިލިއަން ރުފިޔާ) ކަމަށް ވެއެވެ. މިކަމާއި ގުޅިގެން އެ އަތޮޅު ތިނަދޫ ކައުންސިލްގެ ރައީސް ޝިފާގު ހުސައިން ވަނީ ނުރުހުން ފާޅުކޮށްފައެވެ.
އޭނާ އެކްސްގައި ކުރ ޕޯސްޓެއްގައި ބުނީ ސަރުކާރުން ވިއްކި އަގަށް އެތަން ވިއްކާ ނުލާ ބޭއްވި ނަމަވެސް ދައުލަތަށް މާ ގިނަ އާމްދަނީ ލިބޭނެކަމަށެވެ.
ވ.ބޮޑުފިނޮޅަކީ ވ.އަތޮޅާއި ކ.އަތޮޅުގެ ގެސްޓްހައުސްތަކުން އަދި ރިޒޯޓްތަކުން އާއްމުކޮށް ، ދުވާލަކު 200 އަށްވުރެ ގިނަ ޓުއަރިސްޓުން ޒިޔާރަތް ކުރަމުންދިޔަ ވ.އަތޮޅުގައި ނުގިރައި އޮތް ހަމައެނި ފިނޮޅުކަމަށް ޝިފާގު ބުނެއެވެ. އަދި އެތަން ވިއްކާނުލުމަށް އާދޭހާއިއެކު އެދޭކަމަށްވެސް ރައީސް ޑރ. މުއިއްޒު ޓެގްކޮށް ޝިފާގު އެކްސްގައި ލިޔެފައިވެއެވެ.
ވ. އަތޮޅު ބޮޑުފިނޮޅު ހިމެނޭ ގޮތަށް ފަތުރުވެރިކަން ތަރައްޤީކުރަން 17 ތަނަކަށްް ޕްރޮޕޯޒަލް ހުށައެޅުމަށް ޓްއަރިޒަމް މިނިސްޓްރީން ހުޅުވާލީ މި އަހަރުގެ މޭ މަހުގެ 30 ވަނަދުވަހުއެވެ.
