މި ވަފުދުގައި ހިމެނެނީ ބަންޑާރަ ނައިބު އަހުމަދު އުޝާމާއި ހޯމްލޭންޑް ސެކިއުރިޓީ އެންޑް ޓެކްނޯލޮޖީ މިނިސްޓަރު އަލީ އިހްސާނާއި ޕްރިންސިޕަލް ސެކްރެޓެރީ ޓު ދަ ޕްރެޒިޑެންޓް އޮން ޕަބްލިކް ޕޮލިސީ އަބްދުﷲ ނާޒިމާއި މިނިސްޓަރު އެޓް ދަ ޕްރެޒިޑެންޓްސް އޮފީސް ފޯ ލީގަލް އެފެއާޒް އަހްމަދު ހިޝާމް ވަޖީހް ހިމެނެއެވެ.
މީގެ އިތުރުން ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަންގެ ޗީފް ޖުޑީޝަލް އެޑްމިނިސްޓްރޭޓަރު އައިޝަތު ރިޒްނާއާއި ފޮރިން މިނިސްޓްރީ އާއި ބަންޑާރަ ނައިބުގެ އޮފީހާއި، ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަންގެ އިތުރުން ރައީސް އޮފީހުގެ ޓެކްނިކަލް ޓީމެއްވެސް ބައިވެރިވާނެކަމަށް މިނިސްޓްރީ އޮފް ސޯޝަލް އެންޑް ފެމިލީ ޑިވެލޮޕްމަންޓް ބުނެއެވެ. އަދި އެ މިނިސްޓްރީގެ ފަރާތުން ސީނިއާ ލީގަލް ކައުންސެލް އާއިޝަތު އިފާދާ އަދި ސީނިއާ ޕޮލިޓިކަލް ޑިރެކްޓަރ ފާޠިމަތު ލިއުޝާ ނަޝީދުވެސް ބައިވެރިވާނެކަމަށް އެ މިނިސްޓްރީން ބުނެއެވެ.
އިންޓަރނޭޝަނަލް ކޮވެނެންޓް އޮން ސިވިލް އެންޑް ޕޮލިޓިކަލް ރައިޓްސް އޮންނާނީ މިއަދުން ފެށިގެން މާދަމާގެ ނިޔަލަށެވެ.
މި ވަފުދުގެ އިސްވެރިއެއްގެ ގޮތުގައި ގޮސްފައިވަނީ ބަންޑާރަ ނައިބު އަހްމަދު އުޝާމްއެވެ.
ޖެނީވާގައި ކުރިޔަށްދާ ބައްދަލުވުމުގައި ރާއްޖޭގައި މިންތީގެ މައްސަލަތަކާއި، ނުކުޅެދުންތެރިކަން ހުންނަ ފަރާތްތައް، އަދި ދައުލަތުގެ ބެލުމުގެ ދަށުގައިވާ މަރުކަޒުތަކާ ގުޅޭ މައްސަލަތަކާއި ގުޅިގެން ވާހަކަ ދައްކާނެކަމަށް މިނިސްޓްރީން ބުނެއެވެ.
