ކެރަލާއަކީ ބޭއް ފަރުވާއަށްް ގިނަ އަދަދެއްގެ ދިވެހިން ދަތުރުކުރާ ހިސާބެކެވެ.
ރާއްޖޭގެ ކޮންސިއުލޭޓް ޖެނަރަލުން ނެރުނު އިއުލާނެއްގައި ބުނީ ސިކުނޑިއަށް ޖެހޭ ނުރައްކާތެރި ބައްޔެެއްކަމަށްވާ "ބްރެއިން އީޓިން އެމީބާ އިންފެކްޝަން" ފެތުރެމުންދާތީ ކެރެލާގެ ސިއްހީ ވުޒާރާއިން އެކަމަށް ސަމާލުވުމަށްް އަންގާފައިވާކަމަށެވެ.
މި ބަލީގެ ޖަރާސީމު ހަށިގަނޑަށް އެތެރެވަނީ ކަންފަތުން ނުވަތަ ނޭފަތުންކަމަޑް ވާތީ މިދުވަސްވަރު ކޯރު ފަދަ ތަންތަނަށް އެރުން ރައްކާތެރި ނޫންކަމަށް ކޮންސިއުލޭޓުން ބުނެއެވެ. އަދި ސްވިންމިން ޕޫލަށް އެރޭނަމަ ކަންފަތާއި ނޭފަތަށް ފެން ނުވަނަ ގޮތަށް އިޔާ ބަޑްް ނުވަތަ ނޭސަލް ކްލިފް ބޭނުންކޮށްް ބަންދުކޮށްގެން އެރުމަށްވެސް ކޮންސިއުލޭޓުން ވަނީ ދިވެހިންނަށް އިލްތިމާސްކޮށްފައެވެ.
މި ބަލީގެ އަލާމާތްތައް
- ހުން އައުން
- ބޮލުގައި ރިއްސުން
- ހޮޑުލެވުން
- ކަނދުރާއަށް ނާރު އެރުން
- ވާނުވާ ނޭނގުން
- ފިޓު ޖެހުން
މި ބަލީގެ އެއްވެސް އަލާމަތެއް ފެނިއްޖެނަމަ ލަސްނުކޮށް ޑޮކަޓަރަށް ދެއްކުމަށް ދިވެހިންނަށް ވަނީ އިލްތިމާސްކޮށްފަ އެވެ.
