ރާއްޖެ ގަޑިން ފަތިހު ހިނގި އެ ހާދިސާގައި ޓްރަމްޕު ޒަހަމްވި ކަމަށް މީޑިއާ ރިޕޯޓުތަކުން ބުނެ އެވެ. ބަޑި ޖެހި އިރު ޓްރަމްޕު ހުންނެވީ ޕޯޑިއަމުގައި ވާހަކަ ދައްކަވަންށެވެ. ބަޑީގެ އަޑު އިވުމާއެކު ޓްރަމްޕު ޕޯޑިއަމް ކައިރިއަށް ތިރިވި އެވެ. އަދި ތެދުވެވަޑައިގެންނެވިއިރު ކަންފަތުން ލޭ އާދެ އެވެ.
ރައީސް މިއަދު އެކްސްގައި ކުރެއްވި ޕޯސްޓެއްގައި ވިދާޅުވީ ސިޔާސީ ކަންކަމުގައި ހަމަނުޖެހުމަށް ޖާގައެއް ނެތް ކަމަށާއި ހުރިހާ ތަނެއްގައި ހިންގާ ހުރިހާ ބާވަތެއްގެ ހަމަނުޖެހުން ރާއްޖޭން ކުށްވެރި ކުރާ ކަމަށެވެ.
އަދި އެ މަނިކުފާނުގެ ހެޔޮ އެދުންތައްވަނީ ޓްރަމްޕާއި އޭނާގެ އާއިލާއާއި ހަމަލާގައި އަނިޔާވި މީހުންނާއެކު ކަމަށް ރައީސް ވިދާޅުވި އެވެ.
ޓްރަމްޕްގެ ކެމްޕެއިން ތަރުޖަމާނު ސްޓީވަން ޗުއެންގް ވިދާޅުވީ ހަމަލާއަށް ފަހު މެޑިކަލް ރައީސް ޓްރަމްޕްގެ ހާލުކޮޅު ރަނގަޅު ކަމަށާއި ހާލަތު މޮނިޓާ ކުރަމުން އަންނަ ކަމަށް ވެސް އޭނާ ބުންޏެވެ.
މި ހާދިސާއާ ގުޅިގެން ރައީސް ޖޯ ބައިޑަން ވިދާޅުވީ ޓްރަމްޕްގެ ހާލަތު ރަނގަޅުކަން އެނގި ވަޑައިގަތުމާ ގުޅިގެން އެކަމާ އުފާކޮށް ޝުކުރުވެރިވެ ވަޑައިގަންނަވާ ކަމަށެވެ. އަދި ރައީސް ޓްރަމްޕާއި އާއިލާ އަށާއި ރެލީއަށް ދިޔަ މީހުންނަށް ހެޔޮ ދުއާ ކުރާ ކަމަށާއި ސީކްރެޓް ސާވިސްގެ ފަރާތުން ރައްކާތެރިކަން ދެވުނީތީ ޝުކުރުވެރިވާ ކަމަށް ވެސް ރައީސް ބައިޑަން ވިދާޅުވި އެވެ.
ޓްރަމްޕް އެމެރިކާވެ ރައީސްކަން ކުރެއްވީ 2016-2020 އަށް އެވެ. މި އަހަރުގެ ނޮވެމްބަރުގައި ބާއްވާ އިންތިހާބަކީ އޭނަ ރައީސް ކަމަށް ވާދަކުރައްވާ ތިން ވަނަ އިންތިހާބެވެ.
