އައްޑޫ ބްރިޖްގެ މަސައްކަތައް ބޭނުންވާ ދިރާސާތައްކުރުމަށް ހަވާލުކޮށްފައިވަނީ މިސްރުގެ ކުންފުންޏެއް ކަމަށް އަރާބް ކޮންޓްރެކްޓާ މިސްރުގެ އަރަބް ކޮންޓްރެކްޓާސް ގްރޫޕާއެވެ. އެ ކުންފުންޏާއި އެ މަސައްކަތް ހަވާލުކޮށް އެކަމުގެ އެއްވެސްވުމުގައި ސޮއިކުރީ މިއަހަރުގެ ފެބްރުއަރީމަހުގެ 19 ވަނަދުވަހުއެވެ.
އައްޑޫ ބްރިޖުގެ މަސައްކަތާއި ގުޅޭ ގޮތުން ރައްޔިތުން މަޖިލީހުގެ މެމްބަރަކު ކުރެއްވި ސުވާލަށް ޖަވާބުދެއްވަމުން ވަޒީރު މުއްތަލިބް ވިދާޅުވީ އެ މަސައްކަތަކީ ސަރުކާރު އެންމެ އިސްކަންދޭ މަޝްރޫއުކަމަށެވެ. އަދި ބްރިޖުގެ ދިރާސާކުރަން ހަވާލުކުރި ކުންފުންޏަކީ ކެޕޭސިޓީ ހުރި ބަޔަކަށް ވާތީ އެ މަސައްކަތް ކުރަމުން އަންނަކަމަށާއި މިހާރު ކުރަމުން އަންނަނީ އެ މަސައްކަތަށްް ބޭނުންވާ ފައިސާ ދޭނެ ބަޔަކު ހޯދުންކަމަށެވެ ވަޒީރު މުއްތަލިބް ވިދާޅުވިއެވެ. އަދި އެ މަސައްކަތަށް ދިވެހި ސަރުކާރުން ލޯނު ނެގިނަމަވެސް އެ ފައިސާ ދޭނެ ބަޔަކު ހޯދަންޖެހޭނީ އެ ކުންފުނިންކަމަށް ވަޒީރު ވިދާޅުވިއެވެ.
ވަޒީރު މުއްތަލިބު ވިދާޅުވީ ބްރިޖު މަސައްކަތް ހަވާލުކުރި އަރަބް ކޮންޓްރެކްޓާސް ގްރޫޕުން ފައިސާ ހޯދަން މަޗްވަރާކުރިު ކުންފުނިތަކާއި ދިވެހި ސަރުކާރުންވެސް މަޝްވަރާތަކެއް ކުރަމުން އަންނަކަމަށް މުއްތަލިބް ވިދާޅުވިއެވެ.
އައްޑޫ ބްރިޖަކީ ރައީސް ޑރ. މުހައްމަދު މުއިއްޒުގެ ރިޔާސީ ވައުދެކެވެ. ހިތަދޫ އާއި ހުޅުމީދޫ ދެމެދު އެޅުމަށް ހަމަޖެހިފައިވާ ބްރިޖުގެ ސާވޭ އަށް 30 މިލިއަން ރުފިޔާ މި އަހަރުގެ ބަޖެޓުގައި ވަނީ ހިމަނައިފައެވެ.
