"ޑިސްކަވާ ހޮސްޕިޓާލިޓީ" މިނަމުގައި ކުރިއަށް ގެންދާ މި ޔޫތް އިންޓާންޝިޕް ޕްރޮގްރާމަކީ ޔުނިވާސަލް ފައުންޑޭޝަން އިން ވިލާ ކޮލެޖްއާއި ޔުނިވާސަލް ރިސޯޓްއާ ގުޅިގެން ހިންގާ ޕްރޮގްރާމެކެވެ.
އެ ޕްރޮގްރާމް ފުރިހަމަ ކުރާ 80 އިންސައްތައަކީ ޓޫރިޒަމް ސިނާއަތުގައި މަސައްކަތްކުރާ ކުދިންކަން ފާހަގަކޮށް ޔުނިވާސަލް ފައުންޑޭޝަން އިން ބުނީ މި ނިމިނު އާދީއްތަ ދުވަހު ޕްރޮގްރާމްގެ ބެޗް 5 އިން ގްރެޖުއޭޓް ވި 27 ދަރިވަރުންނަށް ސެޓްފިކެޓް ދިނުމާއި، ބެޗް 6 އާއި ގުޅިގެންދާ 20 ދަރިވަރުންނަށް ސްޕޮންސާ ލެޓާ ދިނުމުގެ ރަސްމިއްޔާތު ބާއްވާފައިވާކަމަށެވެ.
"ސީއެންއެމް" އަށް މައުލޫމާތު ދެއްވަމުން ޔުނިވާސަލް ފައުންޑޭޝަންގެ ވައިސް ޕްރެސިޑެންޓް އަލީ އާދަމް ވިދާޅުވީ ޔޫތް އިންޓާންޝިޕް ޕްރޮގްރާމް ތައާރަފްކުރީ ޓޫރިޒަމް އިންޑަސްޓްރީއަށް ވަންނަން ޝައުގުވެރިކަން ހުންނަ ކުދިން އިންޑަސްޓްރީއަށް ނެރުމުގެގޮތުން ކަަމަށެވެ.
އެގޮތުން އެ އިންޓާންޝިޕް ޕްރޮގްރާމްގެ ތެރެއިން ކުދިންނަށް ދަސްކޮށްދެނީ ހައުސް ކީޕިން، ފްރޮންޓް އޮފީސް އަދި އެޗްއެމްބީ ފަދަ މަސައްކަތްކަމަށް އަލީ ވިދާޅުވި އެވެ. އެގޮތުން މި ދާއިރާ ތަކުގެ އެންޓްރީ ކޮލިފިކޭޝަންއެއް ކުދިންނަށް އިންޓާންޝިޕް ޕްރޮގްރާމްތެރެއިން ލިބިގެންދާނެކަމަށާއި 4 މަހުގެ ގެ ޕްރެކްޓިކަލް އެކްސްޕީރިއެންސް ކޮންމެ ޕްރޮގްރާމްގެ ތެރެއިން ލިބިގެންދާނެ ކަމަށް އަލީ ވިދާޅުވި އެވެ. އެއަށްފަހު ކުރިއަށްދާން ބޭނުންނާ އޭރިއާ އިހްތިޔާރު ކުރާނީ އެކުދިން އަމިއްލައަށް ކަަމަށްވެސް އާދަމް ވިދާޅުވި އެވެ.
ޔުނިވާސަލް ފައުންޑޭޝަންގެ ޔޫތް އިންޓާންޝިޕް ޕްރޮގްރާމް ފުރިހަަމަ ބައިވެރިއަކަކަށް ލިޔުން ހަވާލުކުރަނީ
މީގެ އިތުރުން އުއްމީދަކީ ޕްރޮގްރާމުގައި ހަމަ ވީހާވެސް ގިނަ ކުދިން ބައިވެރިވެ، އެކުދިން ކެރިއާ ބިލްޑް ކުރުން ކަމުގައި އާދަމް ވިދާޅުވި އެވެ. އަދި އޭގެ އިތުރުން ބޭނުންވަނީ ޕްރޮގްރާމް ނިންމާ ކުދިންނަކީ ރިސޯޓުގައި ނޫނަސް، ޓޫރިޒަމް އިންޑަސްޓްރީގެ ކޮންމެ އޭރިއާއެއްގެ މަސައްކަތް ކުރާ ކުދިންތަަކަކަށް ވުންކަމުގައި އާދަމް ފާހަގަކުރެއްވި އެވެ.
މި ޔޫތް އިންޓާންޝިޕް ޕްރޮގްރާމް ޔުނިވާސަލް ފައުންޑޭޝަން އިން ކުރިއަށް ގެންދާތާ 6 އަހަރު ދުވަސް ވެފައިވާއިރު މިހާތަނަށް 129 ޒުވާނަކު އެ ޕްރޮގްރާމް ފުރިހަމަކޮށްފައިވާކަން ޔުނިވާސަލް ފައުންޑޭޝަން އިން ފާހަގަކުރެ އެވެ.
ޔުނިވާސަލް ފައުންޑޭޝަން އިން ބުނީ އެ ޕްރޮގްރާމަަށް އަންހެން ކުދިންނާއި އެމީހުންގެ ބެލެނިވެރިންގެފަރާތުން ލިބޭ އެއްބާރުލުން ފެނުމުން އުފާކުރާކަަމަށެވެ. އަދި މިހާތަނަށް ގްރެޖުއޭޓްވި 20 އިންސައްތައަކީ އަންހެން ކުދިން ކަމަށާއި އާ ބެޗުގައި ރެކޯޑް އަދަދަކަށް އަންހެން ކުދިން ތިބިކަމަށް އެ ފައުންޑޭޝަން އިން ފާހަގަކުރެ އެވެ. އަދި އާ ބެޗްގެ އަންހެން ކުދިންގެ އަދަދަކީ 45 އިންސައްތަކަމަށް ޔުނިވާސަލް ފައުންޑެޝަންއިން ބުނެ އެވެ.
