ޝަލަބި އިބްރާހީމް
އޮލިޕަސް ކެފޭ ތަރައްގީކުރަން އެއްވެސް ސަރުކާރެއް މަސައްކަތެއް ނުކުރޭ: ޝަލަބީ
އައިޝަތު ރަޝާ
16 ޖުލައި 2024 - 18:23:15
އޮލިމްޕަސް ކެފޭގެ ފުރިހަމަ ބޭނުން ކުރެވޭނެ ގޮތަކަށް މިހާތަަނަށް އެއްވެސް ސަރުކާރަކުން ކަމެއް ކޮށްދީފަ ނެތްކަމަށް މަޝްހޫރު ފަންނާނު ޝަލަބީ އިބްރާހީމް ބުނެފި އެވެ.
Advertisement
ޝަލަބީ މިހެން ބުނީ އޮލިމްޕަހުގައި ހުންނަ އޮލިމްޕަސް ކެފޭގެ ސީލިންގުން ބައެއް ރޭ ވެއްޓުމާ ގުޅިގެންނެވެ.
ޝަލަބީ ގެ ޕޯސްޓްގައި އޭނާ ބުނީ އޮލިމްޕަސް ކެފޭއަކީ ވަރަށް ފުރިހަމައަށް ރާއްޖޭގައި ތިބި ފަންނުވެރިންނަށް ބޭނުން ކުރެވިދާނެ ޖާގަ އޮތް ތަނެއް ނަމަވެސް އެތަން އެންމެ ފުރިހަަ ގޮތުގައި ތަރައްގީކުރަން މިހާތަނަށް އެއްވެސް ސަރުކާރެއް މަސައްކަތް ކޮށްފައިނުވާކަމަށެވެ.
"ތިތަނުގެ ފުރިހަމަ ބޭނުން ކުރެވޭ ގޮތަކަށް އަދި އެއްވެސް ސަރުކާރަކުން ކަމެއް ކޮށްދެވިފައެއް ނެތް!" މޯލްޑިވިއަން އައިޑޮލް އިން މަގުބޫލުކަން ހޯދި ޝަލަބީ ބުންޏެވެ.
އޮލިމްޕަސް ކެފޭއަކީ ގިނަ އަދަދެއްގެ ފިލްމީ ތަރިންނާއި ފަންނާނުން އާއްމުކޮށް ދާ ތަނެކެވެ. އަދި ރައްޔިތުންގެ މަޖިލީހުގެ ބައެއް މެންބަރުންނާއި ސިޔާސީ މީހުންވެސް އާއްމުކޮށް ދާ ކެފޭއެކެވެ. މައުލޫމާތު ލިބިފައިވާ ގޮތުގައި ރޭ ސީލިން ވެއްޓުނުއިރުވެސް މަޝްހޫރު ފިލްމީ ތަރިންތަކެއް ކެފޭގައި ތިއްބެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
