މ. މުލި ފޮޓޯ: ވިސިޓް މުލި
މުލިން ކަރަންޓު ނެތްތާ 1 ދުވަސް، ކަރަންޓު ލިބޭނެ އިރެއް ނޭންގެ: ކައުންސިލް
އައިޝަތު ރަޝާ
18 ޖުލައި 2024 - 14:35:49
މ.މުލީގައި ކަރަންޓު ނެތްތާ 1 ދުވަސް ވެއްޖެ ކަަމަށާއި ކަރަންޓު ލިބޭނެ އިރެއް އަދި ނޭންގޭކަމަށް އެ ރަށު ކައުންސިލް ރައީސް ޝައްމޫން ރަމީޒް ވިދާޅުވެއްޖެ އެވެ.
Advertisement
"ސީއެންއެމް" އަށް މައުލޫމާތު ދެމުން ޝައްމޫން ވިދާޅުވީ މުލިން ކަރަންޓު ކެނޑުނީ އިއްޔެ ހެނދުނު 8:15 ގައި ކަަމަށެވެ.
ފެނަކައިން މައުލޫމާތި ދިން ގޮތުގައި ކަރަންޓު ކެނޑުނީ ލޯޑު ބޮޑުވެގެންކަމަށާއި އަދި މައްސަލަ ހައްލުކުރުމަށް އިއްޔެއިން ފެށިގެން މަސައްކަތްކުރަމުންދާކަން އެ ފަރާތުން ބުނެފައިވާކަމަށް މުލި ކައުންސިލް ރައީސް ވިދާޅުވި އެވެ.
"އަދިވެސް މައްސަލަަ ހައްލުނުވޭ، މިހާރު ގެނެއްސަ ހުރި އާ ޖެނެރޭޓަރެއް އެޅުވުމުގެ މަސައްކަތް މިހާރު އެ ކުރިއަށް ދަނީ" މުލީ ކަައުންސިލް ރައީސް ޝައްމޫން ވިދާޅުވި އެވެ.
ކަރަންޓު ކެނޑުމުގެ ސަބަބުން ރަށުގައި އާއްމު ހިދުމަތް ދެވޭނެ ގޮތެއް ނެތް ކަމަށްވާއިރު އޮފީސްތަކާއި ސްކޫލްތައްވެސް ބަންދުކޮށްފައިވާކަމަށް ޝައްމޫން ވިދާޅުވި އެވެ. ކަރަންޓު މުޅި ރަށުން ކެނޑިފައިވީނަމަވެސް ކަރަންޓު ކެނޑުނު ވަގުތުން ފެށިގެން ފެނަކައިން އައީ ހޮސްޕިޓަލަށް ކަރަންޓުގެ ހިދުމަތް ފޯރުކޮށްދެމުންކަމަށް ޝައްމޫން ވިދާޅު ވި އެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
