މިނިސްޓްރީން މި ގޮތަށް އެންގީ ހުރިހާ ސްކޫލަކަށް މިއަދު ފޮނުވި ސާކިއުލާއެއްގައެވެ.
އެ ސާކިއުލާގައިވަނީ މި ދިރާސީ އަހަރުގެ ފުރަތަމަ ޓާމް ބަންދާއި ދެވަނަ ޓާމް ބަންދުގެ އިތުރުން މިޑްޓާމް ބަންދުގައި ޓީޗަރުން ސްކޫލުތަކަށް ނެރުމަކީ މަނާ ކަމެއްކަމަށެވެ.
މިއަހަރުގެ ދީރާސީ އަހަރު ފެށުމުން މިނިސްޓްރީން އެންމެ އިސްކަމެއްދޭނީ ދޭނީ މުދައްރިސުން ތަމްރީނު ކުރުމުގެ ގައުމީ ޕްރޮގްރާމް ފެށުންކަމަށް މިނިސްޓަރު ޝަފީއު ވަނީ ވިދާޅުވެފައެވެ. އަދި ސްކޫލްތަކުގައި މުދައްރިސުން ހޭދަކުރާ ވަގުތު މަދުކުރުމަށްވެސް ފިޔަވަޅުތަކެއް އަޅާނެކަމަށް ވަޒީރު ޝަފީއު އޭރު ވިދާޅުވިއެވެ.
އެއް ދަންފަޅިއަށް ކިޔަވައިދޭ ސްކޫލުތަކުގައި އިރުއޮއްސި 6 ގެ ފަހުން އަދި ދެ ދަންފަޅިއަށް ކިޔަވާދޭ ސްކޫލްތަކުގައި ރޭގަނޑު 9 ގެ ފަހުން ޓީޗަރުން ނުނެރުމަށް ޕްރިންސިޕަލުންނަށް އަންގާނެ ކަމަށް މިނިސްޓަރު ވަނީ ކުރިން ވިދާޅުވެފައެވެ.
