އެޗްޕީއޭ އިން އާންމުކުރި ތަފާސްހިސާބުތަކުން ދައްކާ ގޮތުގައި މެއި މަހާ އަޅާ ބަލާއިރު އަރިދަފުސް ރޯގާ ޖެހޭ މިންވަރު ވަނީ އިތުރުވެފަ އެވެ. މެއި މަހު އަރިދަފުސް ރޯގާ ޖެހިގެން 22983 ކޭސް ރިޕޯޓު ކޮށްފައިވާއިރު ހުސްވި ޖޫންމަހު އެ އަދަދު ވަނީ 32738 އަށް އިތުރުވެފަ އެވެ.
ހުސްވި ޖޫންމަހު 5179 މީހަކަށް ބޭރަށް ހިންގުން ޖެހިފައިވާ ކަމަށް އެ ތަފާސްހިސާބުތަކުން ދައްކަ އެވެ.
އަރިދަފުސް ރިޕޯޓުކުރާ މިންވަރު އިތުރުވަމުން އަންނާތީ އެޗްޕީއޭއިން ވަނީ ކެއްސާ، ކިނބިހި އަޅާއިރު އަނގަޔާ ނޭފަތް ޓިޝޫއަކުން ނިވާކުރުމަށް އިލްތިމާސްކޮށްފަ އެވެ. ނިވާކުރުމަށް ޓިޝޫއެއް ނެތްނަމަ، މުލައްދަނޑިން އަނގަޔާ ނޭފަތް ނިވާވާގޮތަށް ހުރަސް ކުރުމަށާއި ބޭނުންކުރާ ޓިޝޫ ކުނި ވަށިގަނޑަށް އެއްލައިލުމަށް ވެސް ވަނީ އިލްތިމާސްކޮށްފަ އެވެ.
ހުން އައިސް ކެއްސާނަމަ މީހުން އެއްވެ އުޅޭ ތަންތަނަށް ނުދިއުމަށް ވެސް އެޗްޕީއޭއިން އިސްތިމާސް ކުރެ އެވެ.
