އެންޑީއޭގެ ޗެއާ ޕާސަން އަދި ހޯމް މިނިސްޓްރީގެ ސްޓޭޓް މިނިސްޓަރު ލުބުނާ ޒާހިރް މިކަން އިއުލާންކުރީ ދައުލަތުގެ މީޑިއާއަށް މައުލޫމާތު ދެއްވަމުންނެވެ.
ލުބުނާ ވިދާޅުވީ އެންޑީއޭގެ ބޯޑުން އިއްޔެ ވަނީ މަސްތުވާތަކެތި ބޭނުން ކުރާ މީހުންގެ ފަރުވާ އަށް އިތުރު ބޭހެއްގެ ފަރުވާ ފައްޓަން ނިންމާފައިކަމަށެވެ. ލުބުނާ ވިދާޅުވ އެއީ ޑްރަގްއަށް ފަރުވާދޭ މެޑިކަލް އެސިސްޓެއޓް ޑޮކްޓަރީ ބޭހެއް ކަމަށެވެ.
އެގޮތުން ހުޅުމާލޭގައި ހުންނަ ޑްރަގް ގެ ފަރުވާދޭ "ހާފްވޭ ހައުސް" ގައި ގާއިމް ކުރުމަށް ނިންމާފައިވާ އައުޓް ޕޭޝަންޓް ކްލިނިކް އިން އެބޭހުގެ ޓްރީޓަމްންޓްއަށް ފަރުވާ ފެށިގެން ދާނީ މިމަހުގެ ތެރޭގައި ނޫނީ އަންނަ އޯގަސްޓް މަސް ފެެށޭއިރު ކަަމަށް ލުބުނާ ވިދާޅުވިއެވެ.
އެންޑީއޭއިން އެންމެ ބޮޑަށް ވިސަނަނީ މަސްތުވާ ތަކެތީގެ ފަރުވާ ދޭ ނިޒާމްގެ ތެރޭގައި ހިމެނޭ ޓްރީޓްމަންޓްތައް ވަރުގަދަ ކުރުންކަމަށްވާއިރު އޭގެ ތެރޭގައި އިތުރު ޓްރީޓްމަންޓްތައް ތާރަފްކުރަން ކުރަން ނިންމާފައިވާކަމަށް ލުބުނާ ވިދާޅުވިއެވެ.
އެފަރުވާއަކި ކޮމިއުނިޓީގައި ހުރެގެން އައުޓްޕޭޝަންޓް ކްލިނިކް އުން ފަރުވާ ދޭ ނިޒާމެއްކަމަށް ލުބުނާ ވިދާޅުވިއެވެ.
އެއާއެއްކޮށް މާލޭގައިވެސް އެ ނިޒާމް ގާއިމް ކުރައްވާނެކަމަށް ފާހަގަކޮށް ލުބުނާ ވިދާޅުވީ މިހާރު ފަރުވާ ދެމުންދާ ޑްރަގް އެޖެންސީގެ ގްރީންގޭގައި ހުންނަ ކްލިނިކް މެދުވެރިކޮށްވެސް، އެ ފަރުވާ އެންޑީއޭއިން ހުޅުވާލާނެކަމަށެވެ.
