ފުލުހުން ބުނީ މާރާމާރީ ހިންގައިގެން ހައްޔަރުކުރީ ދިވެހި ފިރިހެންނެއްކަމަށެވެ. އަދި އެ މީހާ މާރާމާރީ ހިންގާފައިވަނީ މަގުމަތީގައި ހުރި މީހަކާއިކަމަށްވެސް ފުލުހުން ބުނެއެވެ.
ކުރީގެ ގައުމީ ޝިޕިން ކުންފުނި، އެމްއެންއެސްއެލްއިން ކުއްޔަށް ދޭ އެޕާޓްމެންޓު އިމާރާތެއްގެ ގޮތުގައި ބޭނުންކުރަމުންދިޔަ އޯކިޑްޕްލާޒާގައި އަލިފާން ރޯވީ ރޭ ފަތިހިގެ ވަގުތެއްގައެވެ. އެ އިމާރާތަކީ މީހުން ދިރިނުޅޭތާ އެތައް ދުވަހެއް ވަނީ ވެފައެވެ.
އެމްއެންޑީއެފުން ބުނީ ރޯވީ އެތަނުގައި ޖަމާކޮށްފައި ހުރި ކުނިތަކެއްގައިކަމަށެވެ. މި ހާދިސާގައި އެއްވެސް މީހަކަށް އަނިޔާއެއް ލިބިފައި ނުވާކަމަށް އެމްއެންޑީއެފުން ބުނެއެވެ.
މި ހާދިސާގެ މަޢުލޫމާތު ލިބުނީ ފަތިހު 03:31 ހާއިރުކަމަށައި އެ ސަރަހައްދަށް ގޮސް ފަޔަރ ފައިޓަރުން ކުރި މަސައްކަތުން، އަލިފާންގަނޑު އެއްކޮށް ނިއްވާލެވުނީ ފަތިހު 04:49 ހާއިރުކަމަށް އެމްއެމްޑީއެފުން ބުނެއެވެ.
