އެ ގައުމުގެ ފަރާތުން މި ޔަގީންކަން ދެއްވީ ދިވެހިރާއްޖެއިން ސިންގަޕޫރަށް ކަނޑައަޅުއްވާފައި ހުންނަވާ ސަފީރު މުހައްމަދު ލުވޭޒު އެމަނިކުފާނުގެ ސަފީރުކަމުގެ ފަތްކޮޅު ސިންގަޕޫރުގެ ރައީސް ތަރމަން ޝަންމުގަރަތުނަމް އަށް އެރުވުމަށް ބޭއްވި ރަސްމިއްޔާތުގަ އެވެ.
އެ ބައްދަލުވުމުގައި ރައީސް ޑރ.މުހައްމަދު މުޢިއްޒުގެ ފަރާތްޕުޅުން ސިންގަޕޫރުގެ ރައީސަށް ތަހުނިޔާ އާއި ހެޔޮއެދުން އަރިސްކުރައްވާ ސިންގަޕޫރާއި ރާއްޖެ އާ ދެމެދު އޮތް ޒަމާންވީ ގާތް ގުޅުން އިތުރަށް ބަދަހިކުރުމަށް ދިވެހިރާއްޖެއިން މަސައްކަތް ކުރަމުންގެންދާނެ ކަމުގެ ޔަގީންކަން ވަނީ އަރުވާފަ އެވެ.
ސިންގަޕޫރަށް ދިވެހިރާއްޖެއިން ކަނޑައަޅުއްވާފައި ހުންނަވާ ސަފީރުގެ މަގާމަށް މުހައްމަދު ލުވޭޒު ރައީސް އައްޔަނުކުރައްވައިފައި ވަނީ މިއަހަރުގެ މޭ މަހުގެ ހަތްވަނަ ދުވަހުގަ އެވެ.
މި ބައްދަލުކުރެއްވުމުގައި ސަފީރުގެ އަރިހުގައި، އެމަނިކުފާނުގެ އަނބިކަނބަލުން ހަދީޖާ މުފްލިހާގެ އިތުރުން ސިންގަޕޫރުގައި ހުންނަ ދިވެހިރާއްޖޭގެ ހައިކޮމިޝަންގެ ސެކަންޑް ސެކްރެޓަރީން ކަމުގައިވާ އަބްދުﷲ އަރުހަމް އާއި ޖަލާލާ ސަލީމް ބައިވެރިވެވަޑައިގެންނެވި އެވެ.
ލުވޭޒު ވަނީ ރައީސް ޔާމީންގެ ސަރުކާރުގައި ރައީސް އޮފީހުގެ މިނިސްޓަރު ކަން ކުރައްވާފަ އެވެ.
