މީ އައްޑޫ ސިޓީ ހިތަދޫ އަރާއިރު، ޝާހިދު ރަޝީދުގެ މައްޗަށް ދައުލަތުން އުފުލި ދައުވާއެކެވެ.
އޭނާގެ މައްޗަށް ދައުލަތުން ދައުވާކުރީ 2023 ވަނަ އަހަރު ނޮވެމްބަރު މަހުގެ 13 ވަނަ ދުވަހު އޭނާ ދުބާއިން ރާއްޖެ އައިއިރު ދިރުވާލައިގެން ރާއްޖެއަށް ޑްރަގު އެތެރެކުރި މައްސަލާގައެވެ.
މި މައްސަލާގައި އޭނާ ހައްޔަރުކޮށް ސީތީ ސްކޭން ހަދާ ބެލިއިރު އޭނާގެ ހަށިގަނޑުގައި 40 ބްލެޓް ޑްރަގު ރައްކާކޮށްފައިވާކަމަށް ފުލުހުން ކުރުިން ވަނީ ބުނެފައެވެ. އަދި އެތަކެތި އޭނާ ހަށިގަނޑު ނަގާފައިވަނީ ބަންދުގައި ބަހައްޓައިގެން އެކި ފަހަރުމަތިން ބޮޑުކަމު ދިޔުމުންނެވެ.
މި މައްސަލާގައި 2024 ވަނަ އަހަރު ޝާހިދު ރަޝީދުގެ މައްޗަށް ދައުލަތުން ކުރީ ރާއްޖެއަށް މަސްތުވާ ތަކެތި އެތެރެކުރުމުގެ ދައުވާއެވެ. އޭނާ ވަނީ މީގެކުރިން އެ ދައުވާއަށް އިންކާރުކޮށްފައެވެ. އެހެންނަމަވެސްް ފަހުން ކުށަށް އެއްބަސްވެ އޭނާ ވަނީ ދައުލަތާއި އެކު އެއްބެސްވުމެއް ހަދާފައެވެ.
މި އެއްބަސްވުމުގެ ސަބަބުން އޭނާގެ މައްޗަށް އިއްވަން އޮތް އުމުރު ދުވަހުގެ ޖަލު ހުކުމުން ސަލާމަތްވެ އޭނާގެ އަދަބަށް ބޮޑު ލުޔެއް ވަނީ ލިބިފައެވެ.
އެގޮތުން އޭނާގެ މައްޗަށް އިއްވީ 12 އަހަރާއި ހަ މަސް ދުވަހުގެ ޖަލު ހުކުމެކެވެ. އަދި 50،000 ރުފިޔާގެ ޖޫރިމަނާކޮށް އެ ފައިސާ ދައްކަންވެސް ވަނީ އަންގާފައެވެ.
މި މައްސަލައިގައި އޭނާ ހައްޔަރުކުރި ދުވަހުން ފެށިގެން މިހާތަނަށް ޖަލުގައި ހުރުމުން ކޯޓުން އިއްވި ހުކުމުން އޭނާ ތަންފީޒުކުރަން ބާކީ މިހާރު އޮތީ 10 އަހަރާއި ދެ މަހާއި 13 ދުވަހެވެ.
