"ސީއެންއެމް" އަށް މައުލޫމާތު ދމުން ނިލަންދޫ ސްކޫލްގެ ބެލެނިވެރިއެއް ބުނީ ސްކޫލްގެ ގެ ކެޕްޓަން ހޮވުމާ ދޭތެރޭގައި އުފެދިފައި އޮތް ހިތްހަމަ ނުޖެހުމަކާ ގުޅިގެން ބެލެނިވެރިންގެ ފަރާތުން މުޒާހަރާ އެއް މިއަދު ފަށަފައިވާކަމަށެވެ.
މައްސަލަ ފެށުން ގޮތަށް އަލިއަޅުވާލަމުން އޭނާ ބުނީ މިދިޔަ މަހުގެ 13 ވަނަ ދުވަހުގައި ދެ ކުއްޖަކަށް ވޯޓެއް ނަގައި، ނަތީޖާ އިއުލާން ކުރި ހިސާބުން އެއް ކުއްޖެއްގެ ފަރާތުން ފަރާތުން މިނިސްޓްރީގައި މައްސަލަތަކެއް ޖައްސާފައިވާކަމަށެވެ.
އެ ކުއްޖާ މައްސަލަ ޖެއްސުމާއެކު އެޑިއުކޭޝަން މިނިސްޓްރީން އެކަން ބަލުމަށްފަހު، އެކަން އޮތްގޮތުގައި އެއްވެސް މައަސަލައެއް ނެތްކަމަށް ސްކޫލްގެވެސް ނިންމުމަާ އެއްކޮށް ކެޕްޓަން ކަމަށް ހުވާކުރުމުގެ ރަސްމިޔާތު ކުރިއަށް ގެންދަން ހުއްދަދިންކަމަށް ބެލެނިވެރިޔާ މައުލޫމާތުދިނެވެ. އަދި ހުވާ ކުރުމުމުގެ ރަސްމިޔާތު ރޭގަނޑު ބާއްވަން ނިންމާފައި އޮއްވާ އަނެއްކާ އެދުވަހުގެ މެންދުރު 1 ޖަހާ ބޮޑުވެފައި ވަނިކޮށް ރަސްމިޔާތު ކުރިއަށް ނުގެންގޮސް މަޑުޖައްސާލަން މިނިސްޓްރީން އެންގިކަމަށް އޭނާ ބުނެއެވެ.
މައްސަލަތަކެއް ހުރިކަމަށް ގަބޫކުރެވޭ ކަަމަށް ބުނެ ނިލަންދޫ ސްކޫލްގެ އިކޮނޮމިކް ޓީޗަރެއް 1 މަސް ދުވަަހަށް ސަސްޕެންޑް ކުރި ކަމަށާއި އެ ކަން ސިވިލް ސާވިސް ކޮމިޝަނުން ބެލިކަމަށް ބެލެނިވެރިޔާ ބުނެ އެވެ. އަދި ކޮމިޝަނުން ޓިޗަރުގެ އެއްވެސް މައްސަލެއް ނެތްކަމަށް އެންގުމުން، އަނބުރާ ވަޒީފާއަށް ނެރުމަށް ލަސްވާތީވެ، 5 ދުވަހަށް ފަހުގައި ޓީޗަރު އަނބުރާ ވަޒީފާއަށް ނެރުނުކަމަށް ބެލެނިވެރިޔާ ފާހަގަކުރި އެވެ.
އެގޮތުން އެކުއްޖާގެ ފަރާތުން އަނެއްކާވެސް މައްސަލަ ހުށަހެޅިީ ފަހުން އެކުލަވާލި ގަވައިދުގައި ވާދަ ކުރެވެން ނެތްކަމަށް ބުނެ އެއީ ހަމަ ހަމަ ފުރުސަތުތަކެއް ހުޅުވާލުމުގެ ގޮތުން ކަން އެކުއްޖާ ހާމަ ކުރިކަމަށް ބެެލނިވެރިޔާ ބުނެއެވެ. މައްސަލަ ޖެއްސި ކުއްޖާގެ މަމްމައަކީ ސްކޫލްގެ ޓީޗަރެއް ކަމަށާއި ކުއްޖާ ސްކޫލް ކެޕްޓަން ކަަމަށް ތައްޔާރު ކުރުމުގެ ގޮތުން، ސްކޫލް ތެރޭގައި ހުރިހާ ގަވައިދެއް އިނގޭތީވެ، ސްކޫލްގެ ހުރިހާ އިތުރު ހަރަކާތެއްގައި ކުއްޖާގެ ނަން ހުރީ ބޭނުންކޯށްފައި ހުރިކަމަށް ބެލެނިވެރިޔާ ބުނެ އެވެ.
ގަވައިދި ބަދަލު ކުރީ އެ ގަވައިދަށްވެސް ހިތްހަމަ ނުޖެހިގެން ކަމަށްވާއިރު މިވަގުތުގައި އަދިވެސް މިނިސްޓްރީން ގޮތެއް ނިންމާފައި ނުވާކަަމަށް އޭނާ ވިދާޅުވިއެވެ.
މިކަމުގެ ތެރެއަށް ވަދެފައި އޮތީ ސިޔާސީ ބާރުވެރިކަމާއި ނުފޫޒު ކަމަށް ފާހަގަކޮށް ބެެލެނިވެރިޔާ ވިދާޅުވީ ދޮޅު މަސް ދުވަހަށް ވުރެއް ގިނަ ދުވަސް ވީ އިރުވެސް އެކަމަށް ގޮތެއް ނިންމާފައި ނުވާކަމަށެވެ.
