ތޫނު އެއްޗަކުން ހަމަލާދީ މާލޭގައި މީގެ ހަ އަހަރު ކުރިން މަރާލި މުހައްމަދު އަނަސްގެ މަރުގެ މައްސަލައިގައި ދައުވާ އުފުލާފައިވާ ހަތް މީހުންގެ މައްޗަށް ކުށް ސާބިތުނުވި މައްސަލަ ދައުލަތުން ހައިކޯޓުގައި އިސްތިއުނާފު ކޮށްފަ އެވެ.
ތޫނު އެއްޗަކުން ހަމަލާދީ މާލޭގައި މީގެ ހަ އަހަރު ކުރިން މަރާލި މުހައްމަދު އަނަސްގެ މަރުގެ މައްސަލައިގައި ދައުވާ އުފުލާފައިވާ ހަތް މީހުންގެ މައްޗަށް ވެސް ކުށް ސާބިތުނުވާ ކަމަށް ކްރިމިނަލް ކޯޓުން ހުކުމް ކުރީ މި އަހަރުގެ ކުރީކޮޅު އެވެ.
އަނަސްގެ މަރަށް ހަތް އަހަރުވުމުން އިންސާފަށް އެދި އަޑުއުފުލުމަށްޓަކައި ރ. މީދޫގެ މަގުބައްތިތައް ނިއްވާލައިފައި.
އަނަސްގެ އަނިޔާވެރި މަރަށް މިއަދު ހަތް އަހަރުފުރިފައިވާއިރު މިއީ މުޅި މީދޫއަށް ކަޅު ދުވަހެއްގެ ގޮތުގައި ރައްޔިތުން ދެކެ އެވެ. މީދޫ ރައްޔިތުން ތިބީ އެ އަނިޔާވެރި މަރަށް އިންސާފަށް އެދިއެދި އެވެ.
އެރަށު ކައުންސިލުން ބުނީ ޖުލައި 31، 2017 ވަނަ ދުވަހުގެ ރޭ އެ އަނިޔާވެރި ގަތުލު ހިނގާދިޔަ ވަގުތަކީ މުޅި މީދޫގެ ރައްޔިތުންނަށް އަނދިރި ވަގުތެއް ކަމަށެވެ. އެހެން ކަމުން ކައުންސިލުގެ އިސްނެގުމަށް އެ އަނދިރި ވަގުތުގެ ހަނދާން އައުކުރުމުގެ ގޮތުން ރޭ 9:15 އިން 9:30 އަށް މީދޫގެ ހުރިހާ މަގުބައްތިތަކެއް ވަނީ ނިއްވާލާފަ އެވެ.
މި މައްސަލައިގައި ދައުލަތުން ދައުވާ އުފުލާފައިވާ ހަތް މީހުން
• އަފްރާހު އަބްދުއްރައްޒާގު، މ. ލޮނުމިދިލިގެ
• އަހުމަދު ޒަޔާން، އަސުރުމާގެ/ ޅ. ކުރެންދޫ
• އުސްމާން ޝަރީފް / މ. ދިމިޝްގު
• ޖުނައިހު އަބްދުﷲ، ނަންނާރިގެ / ލ. ގަން ތުނޑީ
• ހަސަން މަހްފޫޒް، ވެސްޓަންވިލާ/ ސ. ފޭދޫ
• ސިމާހު މޫސާ، ދަފްތަރު ނަމްބަރު 1746
• މުހައްމަދު ޝާޒް، ގުލްފާމުގެ / ތ. ކިނބިދޫ
