މި ބައްދަލުވުމުގައި ބޭންކް އޮފް މޯލްޑިވްސް (ބީއެމްއެލް ) އާއި ސްޓޭޓް ބޭންކް އޮފް އިންޑިއާ (އެސްބީއައި) ގެ އިސްވެރިން ވަނީ ބައިވެރިވެފައެވެ.
ވަޒީރު ސައީދު ވިދާޅުވީ އިންޑިއާ ސަފީރާއި އެކު ބޭންކުތަކާއި މަޝްވަރާކުރީ އިންޑިއާ އާއި ރާއްޖެއާ ދެމެދު ވިޔަފާރީގެ ގުޅުން އިތުރަށް ބަދަހިކުރުމާ ބެހޭ ގޮތުންކަމަށެވެ. އެހެންނަމަވެސް އޭގެ ތަފްސީލެއް ހާމައެއް ނުކުރައްވައެވެ.
އިންޑިއާ ސަފީރާއި ވަޒީރު ސައީދު ބޭންކުތަކުގެ ވެރިންނާއި އެކު ބޭއްވި ބައްދަލުވުމުގެ ތެރެއިން
ރާއްޖެއާއި އިންޑީއާގެ ގުޅުންތައް ގޯސްވުމަށްފަހު ގުޅުންތައް އަލުން ރަނގަޅުވާން ފަށާފައިވާއިރު އިންޑިއާގެ އެކްސްޓާނަލް އެފެއާޒް މިނިސްޓަރު ސުބްރަމާނިއަމް ޖައިޝަންކަރު ރަސްމީ ދަތުރެއްގައި ރާއްޖެ މި މަހު ވަޑައިގަތުމަށް ހަމަޖެހިފައިވާކަމަށްް އެ ގައުމުގެ ނޫސްތަކުން ވަނީ ބުނެފައެވެ.
ޖައިޝަންކަރު ރާއްޖެއަށް ވަޑައިގަންނަވަނީ މިމަހުގެ 9 އެއް ހިސާބުގައިކަމަށާއި 3 ދުވަހަށްް ކުރައްވާ މި ރަސްމީ ދަތުރުގައި ރަައީސް ޑރ. މުހައްމަދު މުއިއްޒާއި ފޮރިން މިނިސްޓަރު މޫސާ ޒަމީރާއި ބައްދަލުކުރެއްވުމަށް ހަމަޖެހިފައިވާކަމަށްް އިންޑިއާ ނޫސްތަކުން ވަނީ ބުނެފައެވެ.
