ނ. ހެނބަދޫގައި ފުލުހުންގެ ސައިކަލެއްގައި ރޯކޮށްލުމުން ވަނީ އަނދާ ހުލިވެފައި
ޑްރަގުތައް އަތުލާތީ ފުލުހުންގެ ސައިކަލެއްގައި ރޯކޮށްލައިފި
މުހައްމަދު އާދަމް އަހްމަދު
02 އޯގަސްޓް 2024 - 12:24:27
މަސްތުވާތަކެއްޗާއި ދެކޮޅަށް ފުލުހުން ހާއްސަ އޮޕަރޭޝަނެއް ހިންގާތީ ނ. ހެނބަދޫގައި ފުލުހުންގެ ސައިކަލެއްގައި ރޯކޮށްލައިފިއެވެ.
Advertisement
ފުލުހުންގެ ތަރުޖަމާނު އެސްސިސްޓެންޓް ކޮމިޝަނަރު އޮފް ޕޮލިސް އަހްމަދު ޝިފާން ވިދާޅުވީ އިއްޔެ ނ. ހެނބަދޫގައި ފުލުހެއްގެ ސައިކަލަށް ގެއްލުންދީ ، އިތުރު ފުލުހެއްގެ ސައިކަލުގައި ރޭ ދަންވަރު ރޯކޮށްލާފައިވާކަމަށެވެ.
މިކަމަކީ ނޫނު އަތޮޅުގައި ފުލުހުން ހިންގަމުންދާ މަސްތުވާތަކެތީގެ އޮޕަރޭޝަނަކާއި ދެކޮޅަށް އެކަމުގައި ތުހުމަތު ކުރެވޭ ބަޔަކު ކޮށްފައިވާ ކަމެއްކަމަށް ތުހުމަތުކުރެވޭކަމަަށްވެސް ޝިފާން ވިދާޅުވިއެވެ. އަދި މި ކަމުގެ ސަބަބުން ފުލުހުން އެއްވެސް ވަރަކަށް ފަހަތަށް ނުޖެހޭނެކަމަށްވެސް ޝިފާން ވިދާޅުވިއެވެ.
" މިފަދަ ފިނޑި އަމަލެއްގެ ސަބަބުން ފުލުހުންގެ ހިތްވަރާއި ސާބިތުކަމަށް ކުޑަވެސް ބަދަލެއް ނާންނާނެ ކަން މިފަދަ ވިސްނުމުގައި އަމަލުކުރަމުންދާ ފަރާތްތަކަށް ހަނދާންކޮށްދެން." ޝިފާން އެކްސްގައި ކުރެއްވި ޕޯސްޓްގައިވެއެވެ.
މި މައްސަލާގައި އެއްވެސް މީހަކު މިހާތަނަށް ހައްޔަރުކޮށްފައެއް ނުވެއެވެ. ފުލުހުން އަންނަނީ މި މައްސަލަ ތަހުގީގުކުރަމުންނެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
